आफनै निर्णयको प्रतिकूल हुने काम गरेको भन्दै वीरगंज महानगरपालिका बिरुद्ध च्च अदालत जनकपुर अस्थाई ईजलास वीरगंजले कानूनी अंकुश लगाएको छ ।

महानगर बिरुद्ध अदालतले अन्तरिम आदेश जारी गरेर अंकुश लगाएको हो । वीरगंज महानगरपालिकाले रक्त संचार केन्द्रको भवन निर्माणकालागि आफनो स्वामित्वमा रहेको जग्गा कार्यपालिका तथा नगरसभाबाट पारित गरेर नेपाल रेडक्रस सासाइटी पर्सालाई दिएको थियो ।

रक्त संचार केन्द्र भवन निर्माण गर्न उद्योग बाणिज्य संघको पश्चिम तर्फ रहेको खाली जग्गा नेपाल रेडक्रसलाई उपलब्ध गराउने निर्णय लाई बेवास्ता गरी रक्त संचार केन्द्रका लागि नदिने भन्दै महानगरले पत्राचार गरेको थियो ।

महानगरले त्यही जंग्गामा पार्किगं ठेक्का लगाएर रक्तसंचार केन्द्र निर्माणमा अवरोध खडा गरेको आदलतले आदेश जारी गरेको हो । बुधवार जारी आदेशमा रक्त संचार केन्द्र भवन निर्माणमा कुनै बाधा अवरोध नगर्नु नगराउनु पार्किग कार्य समेत नगर्नु नगराउनु भनिएको छ ।

उच्च अदालत जनकपुर अस्थायी ईजलास वीरगंजका माननिय न्यायधीश गणेश प्रसाद बराल र सुदर्शन देव भट्टको संयुक्त ईजलासले आदेश जारी गरेको हो ।

बिजय कुमार सरावगी वीरगंज महानगरपालिकाको नगर प्रमुख भएको बेलामा वीरगंज महानगरपालिकाको स्वामित्वमा रहेको वीरगंज महानगरपालिकाको वडा–३ मा रहेको कित्ता नम्बर २१ र ५६ को जग्गामा रक्त संचार केन्द्रको भवन बनाउने गरी २०७७ माघ १३ गते बोर्ड बैठकबाट निर्णय गरी नगर सभाबाट समेत अनुमोदन भएको थियो ।

भवन निर्माण सम्बन्धमा महानगरले ०७८ असार ३ गते नेपाल रेडक्रस सोसाईटी पर्सासंग सम्झौता समेत गरेको थियो । सम्झौतामा भवनको भुईतल्लामा सार्वजनिक पार्किङ्ग समेत राख्ने उल्लेख छ । महानगरले भवन निर्माणकालागि रेडक्रसले पेश गरेको नक्सा समेत पास गरेर ०७८ चैत २९ मा भवन निर्माण इजाजत पत्र दिएको थियो । भवन निर्माणको लागि तत्कालिन नगर प्रमुखले २५ लाख रुपैया अनुदान समेत उपलब्ध गराएका थिए ।

भवन निर्माणको करारमा ठेक्का सम्झौत समेत भएको अवस्थामा महानगरको नेतृत्व परिवर्तन भयो । परिवृतीत नेतृत्वसंग भवन निर्माणकालागि बिभिन्न चरणमा छलफल आग्रह र लिखित आग्रह गरिएको रेडक्रसका शाखा सभापति वीरेन्द्रराज कडेलले बताए ।

रेडक्रससंग भएको विगतको सम्झौता विपरित रेडक्रसलाई कुनै जानकारी नै नगराई सो जग्गामा सार्वजनिक पार्किङ्गको ठेक्का लगाएको छ । रेडक्रस पर्साले पत्र लेखेर रक्तसंचार भवन बनाउन आग्रह गरेमा ०७९ माघ ४ गते महानगरको तर्फबाट प्रशासकीय अधिकृत लक्ष्मी पौडेलले सो अब जग्गा उपलब्ध गराउन नसकिने व्यहोराको पत्र दिएको कडेलले बताए ।

महानगरसंगका सबै बाटो र, उपाय सकिए पछि रेडक्रस सोसाइटी अदालतको शरणमा पुगेको थियो । अदालतले भवन निर्माण कार्यमा कुनै बाधा अवरोध नगर्नु नगराउनु, र सो जग्गामा पार्किङ्गकार्य नगर्नु नगराउनु भन्ने आदेश जारी गरेको छ । उच्च अदालत वीरगंजको उल्लेखित आदेशले वीरगंजमा अत्याधुनिक रक्त संचार केन्द्र निर्माण हुने बाटो खुल्ला भएको छ