बीरगंज हेल्थ केयर अस्पताल शिल, निजगढमा सर्तकता अपनाउन नगरपालिकाको अपिल

6/13/2020 गते 00 00 मा प्रकाशित 3732 पटक पढिएको

बीरगंजको गण्डक बहुवरीमा रहेको बीरगंज हेल्थ केयर अस्पताललाई शिल गरिएको छ । निजगढका पाँच वर्षिय बालकको बीरगंज हेल्थ क्येर अस्पतालमा उपचारको क्रममा हिजो मृत्यु भएको थियो ।

उपचारकालागि शुक्रवार ११ बजे उनलाई इमर्जेन्सीमा वाडमा भर्ना गरिएको थियो । उनलाई भेन्टिलेटरमा राखेर उपचार गर्नु पर्ने अवस्था रहेकोले उनको र्यापीड डायोगन्स्टिक रिपोर्ट (आरडीटी)परिक्षण गर्दा पोजेटिभ रिपार्ट आएको थियो । निमोनियाले पीडित बालकलाई सघन उपचार कक्षमा रखेर उपचार गरिएको थियो ।

त्यतीबेलै उनको पिसीआर परिक्षणकालागि स्वाब संकलन गरिएको थियो । उनको मृत्यु पछि पिसीआर रिपोर्ट पनि पोजेटिभ आएपछि स्थानीय प्रशासनले बीरगंज हेल्थ केयर अस्पताललाई शिल गरेका हो ।

शुक्रवार बेलुका सँझ मृत्यु भएका बालकको शव बिहान नेपाली सेनालाई जिम्मा लगाइएको थियो । बालकको परिवारका आमा बुबा सहित स्वास्थ्यकर्मी गरि पाँच जनाको स्वाब संकलन भएको छ ।

निजगढ नगरपालिका–६ माथिल्लो योजना टोलका बालकमा कोरोना संक्रमण पुष्टि भएपछि निजगढमा सर्तकता अपनाउन शुरु गरिएको छ। बालकलाई लगिएको स्थानीय स्वास्थ्य संस्था पनि सिल गरिएको छ भने बजार पनि बन्द गरिएको छ ।

शनिबार बिहानै निजगढ नगरपालिकास्थित कोरोना रोकथाम तथा नियन्त्रण समितिको आकस्मिक बैठक बसेको छ । बैठकपछि नगर प्रमुखले बजार बन्द गरेर सहयोग गरिदिन आह्वान गर्दै विज्ञप्ती निकालेका छन् ।

नगर प्रमुख सुरेश कुमार खनालले जारी गरेको सूचनामा शंकास्पद क्षेत्रमा परीक्षणको क्रम अगाडि बढाइएकोले ढुक्क हुन आग्रह गरिएको छ ।

साथै विज्ञप्तीमा अर्को सूचना जारी नभएसम्म अत्यावश्यक औषधी पसल बाहेकका अन्य पसल बन्द गर्न आग्रह गरिएको छ ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।