रौतहटमा आठलाख रुपैया सहित एक पक्राउ,अनधिकृत कारोवार प्रति डिआइजी सिंहको गम्भिर चासो

6/9/2020 गते 00 00 मा प्रकाशित 950 पटक पढिएको

रौतहटमा आठ लाख अवैध रकमसहित एक जनालाई प्रहरीले पक्राउ गरेको छ। मंगलबार बिहान ११ बजे प्रहरीले इशनाथ नगरपालिका ४ का धर्मेन्द्र साहलाई आठ लाख अवैध रकमसहित पक्राउ गरेको हो।

पक्राउ परेको सबै नेपाली रुपैया रहेको छ । बिशेष सूचनाको आधारमा प्रदेश प्रहरी कार्यालयको टोलीले शंकाको आधारमा चेकजाँच गर्दा रुपैया फेला परेको प्रदेश प्रहरी कार्यालयका प्रहरी निरिक्षक बरुण सिंहले जानकारी दिनु भयो ।

साहलाई गौर नगरपालिका ४ बाट पक्राउ गरीएको हो। प्रहरीलाई शंका लागेर उनलाई सोधपुछ गरीएको थिय । सोधपुछ गर्न खोज्दा भाग्न खोजेपछि प्रहरीले उनलाई पक्राउ गरेको हो।

’ पक्राउ गर्दा ‘झोलामा पैसा थीयो । साहले उक्त रकमको स्रोत खुलाउन नसके पछि प्रहरीले आवश्यक कारवाहीकोलागि जिल्ला प्रहरी कार्यालय रौतहटमा पठाएको थियो ।

यसअघि पनि रौतहटमा अवैध रकम फेला परेको थियो। त्यसबारेमा पनि अनुसन्धान भइरहेको छ । प्रदेश प्रहरी कार्यालयले रौतहटको सीमा प्रयोग गरेर हुण्डीको रकम अनधिकृत आइरहेको प्रती प्रदेश प्रहरी प्रमुख डिआइजी धिरज सिंहले गम्भिर चासो देखाउनु भएको छ ।

उहाँले अनधिकृत कारोवारको नियन्त्रणकालागि इमान्दारीतापूर्वक काम गर्न मातहत प्रहरीलाई निर्देशन दिनु भएको छ ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।