वीरगन्ज महानगरवपालिकाले वीरगञ्जमा कोरोना परीक्षण, क्वारेन्टाइन र अस्पताल व्यवस्थापनका लागि स्रोत अभाव भएको भन्दै सहयोगको आह्वान गरेको छ ।

कोरोना भाईरसको संक्रमण वीरगन्जमा पनि देखा परेदेखि नै यसको नियन्त्रण र रोकथामका लागि कोभिड अस्पताल स्थापनाका लागि अग्रपंक्तिमा आएर सक्रियता देखाएका महानगरपालिकाका प्रमुख विजय सरावगीको सामु विभिन्न अवरोध र आरोपहरु लागे संकटको बेलामा पनि पार्टीका नेता तथा प्रदेश सरकारबाट समेत साथ नपाएका उनलाई वीरगन्जवासीहरुले भने अविछिन्न साथ र सहयोग गर्दै आएका छन् ।

उनले वीरगन्जलाई कोरोनामुक्त बनाउनका लागि देखाएको सक्रियताको प्रशंसा गर्नेहरु बढ्दै गए । महानगरवासीको मात्रै होईन मानव जीवन रक्षाको सवालमा नै मेयर सरावगीको प्रयास देखेर उनकै छोरा पनि निकै उत्साहित भए । वीरगञ्ज महानगरपालिकाका नगर प्रमुख विजयकुमार सरावगीले कोरोना उपचारका लागि आह्वान गरेको कोषमा उनकै छोराले आइतवार एक महिनाको पारिश्रमिक सहयोग गरेका छन् ।

वीरगञ्जमा कोरोना संक्रमण नियन्त्रण र उपचारका लागि पीसीआर मेशिन, भीटिएम किट लगायतको सामग्रीको आवश्यकता हेरेर  सहयोग पु¥याउन सरावगीले नगरवासीलाई आह्वान गरेका थिए । नगर प्रमुख सरावगीका छोरा केशव सरावगीले महानगरको कोषमा एक महिनाको तलब बराबरको रकम हस्तारन्तरण गरेका हुन् ।

केशवले महानगरमै पुगेर प्रमुख सरावगीलाई रू. ५१ हजार नगद प्रदान गरे । चेक हस्तान्तरण गर्दै नगर प्रमुखका छोरा केशवले भने, “बुवा नै महानगर प्रमुख भएकोले सहयोग गरेको होईन, नागरिकको जीवन रक्षाको सवालमा मेरो पनि चासो रह्यो । महानगरपालिकाको एउटा नागरिक भएकोले नागरिको दायित्व मात्रै निर्वाह गरेको हुँ । मेरो व्यक्तिगत जीवन रक्षाको पनि विषय हो । त्यसैले मैले महानगरपालिकालाई सहयोग गरेको हो । यो आप्mनै जीवन रक्षाको सवाल भएकोले सम्पूर्ण युवाहरुलाई पनि सहयोगको लागि अपिल गर्न चाहान्छु ।”

महानगर प्रमुख सरावगीले गरेको आह्वानलाई सबै क्षेत्रबाट सहयोग आउने क्रम पनि जारी रहेको छ ।

आईतबार नै बैंक अफ काठमाडौंले पनि सहयोग गरेको छ । महानगरपालिकाको कोषमा बैंक अफ काठमाडौं वीरगन्ज शाखाले एकलाख रुपैंयाको चेक हस्तान्तरण गरेको छ । महानगरपालिका प्रमुख सरावगीलाई कार्यकक्षमै पुगेर बैंकका प्रदेश २ प्रमुख दीपक कुमार श्रेष्ठको नेतृत्वमा गएको बैंकको टोलीले एकलाखको चेक हस्तान्तरण गरे । चेक हस्तान्तरण गर्न गएको टोलीमा बैंकका वीरगन्ज शाखा प्रमुख सुरेश यादव, सहायक सम्पर्क प्रबन्धक सन्देश पोखरेल र कन्हैया सिंहको पनि उपस्थिति रहेको थियो ।

महानगरको आह्वानमा कोरोना कोषमा हालसम्म रू.६२ लाख ७ सय ७९ हजार रकम जम्मा भएको महाननगरले जनाएको छ । महानगनरले दाताहरूको सहयोगमा पीसीआर जाँच उपकरण खरीदको प्रक्रिया अघि बढाएको छ ।