दया फाउण्डेशन र भि.सीं.एन भोकको समस्या हल गर्दै,आहतमा परेका नागरिकलाई राहत

6/1/2020 गते 00 00 मा प्रकाशित 961 पटक पढिएको

जिराभवानी गाउँपालिकाको वडा नं ५ शंकर शरैयाको बिपन्न ७५ घर परिवारलाई राहत उपलब्ध गराइएको छ ।

एनआरएन का आइसीसी सदस्य अरुण कुमार ठाकुर बीरगंज लक्ष्मणवाका हरिनारायण साह तथा दया फाउण्डेशन र भि.सीं.एन संस्थाको सहयोगमा ७५ घर परिवारलाई राहत उपलब्ध गराइएको सामाजिक अभियान्ता प्रकाश थारुले जानकारी दिनु भयो ।

ज्याला मजदुरी गरेर आफनो र परिवारको जीवन चलाउदै आएका मुसहर,माझी,चमार र पासवान जातिका ब्यक्तिहरु अहिले महामारीका कारण रोजगार अभावमा समस्यामा परेका थिए ।

स्थानीय सरकारले उनीहरुलाई राहत नदिएको उनीहरुको गुनासो पनि रहेको छ । भोकले समस्यामा पर्नु ठिक नहुने भन्दै राहतको ब्यवस्थापनमा आफूहरु लागेको भिएस्एनका अध्यक्ष दीप कचापागाईले बताउनु भयो ।

राहत बितरणमा स्थानीय संजय चौधारी, महेश दहैत, बिनोद राउत लगायतले सहजीकरण गर्नु भएको थियो ।

राहत आवश्यक परिवारको तथ्याक संकलन राहत सामाग्रीको ब्यवस्थापन र बितरणमा उहाँहरुले योगदान गर्नु भएको थियो ।

राहत सामाग्रीमा प्रति परिवारकालागि १५ केजी चामल,दाल १ केजी,खाने तेल आधा लिटर,आलु २ केजी,प्याज १ केजी ,नून १ किलो,सावुन २ थान रहेको सामाजिक अभियान्ता थारुले जानकारी दिनु भयो ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।