भारतीय तस्करको आक्रमणका बिरुद्ध सशस्त्रले खोल्यो हवाई फायर

5/31/2020 गते 00 00 मा प्रकाशित 942 पटक पढिएको

भारतीय नागरिकले सर्लाही जिल्लाको विष्णु गापा ५ फेनरा बजार स्थित सशस्त्र प्रहरी बलको बोर्डर आउटपोष्टमा आज बिहान आक्रमण प्रयास गरेका छन ।

जर्वजस्ती नेपाल प्रवेश गर्न खोजेका भारतीयलाई प्रवेश दिन नमान्दा उनीहरुले आक्रमणको प्रयास गरेका हुन । उनीहरुले प्रहरी पोष्टमा आक्रमण प्रयास गरेपछि शसस्त्र प्रहरीले आफनो रक्षाकोलागि हवाई फायर खोलेको थियो ।

भारतीयहरुले हतियार समेत खोस्ने प्रयास गरेपछि तत्काल हवाईफायर गरेर भारतीय समुहलाई भगाईएको सशस्त्र प्रहरी बल सर्लाही स्रोतले जनाएको छ ।

भारतबाट विभिन्न सामानहरु नेपालतर्फ भित्र्याउन खोज्दा सशस्त्र प्रहरीले केही भारतीय नागरिकलाई रोकेपछि उनीहरु मुढा बजार लगायत भारतीय गाउँ पुगेर आफूहरुलाई दुर्व्यबहार भएको भन्दै ४०र५० जना गाउँलेलाई उठाएर ल्याएको एक स्थानीयले बताए ।

अनधिकृत कारोवारको सामान नेपाल ल्याउन सशसत्र प्रहरी अवरोधक भएपछि उनीहरुले आक्रमणको प्रयास गरेका हुन ।

बिहान पौने ६ बजे घटना भएको र अहिले त्यस क्षेत्रको अवस्था शान्तिपुर्ण रहेको सशष्त्र प्रहरी बल १० नम्बर गण कविलासीका प्रमुख सशस्त्र प्रहरी उपरीक्षक गंगाराम श्रेष्ठले जानकारी दिनु भयो

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।