निर्वाचन नजिकिएसंगै सुरक्षा चुनौती बढेकोले स्थानीय प्रशासन र निर्वाचन आयोगलाई सम्बेदनशिल बन्न पर्सा क्षेत्र नं १ का प्रतिनिधि सभाका उम्मेदवार अजय द्विवेदीले आग्रह गरेका छन ।

वीरंगको क्लासिक ब्यांकेटमा पत्रकार सम्मेलनको आयोजना गरि द्विवेदीले यस्तो आग्रह गरेका हुन । मौन अवधि शुरु हुदै गर्दा रातको समयमा भारतीय नम्बर प्लेटका गाडीहरु गुडिरहेको,घर घरमा रकम बितरण गर्न थालिएकोले स्थानीय प्रशासन र निर्वाचन आयोगलाई सम्बेदनशील हुन आग्रह गरेका हुन । उनले स्थानीय प्रशासनलाई भनेका छन “मेरो गाडी मेरो घर म संग रहेका कार्यकर्ताहरुको खान तलासी गरौ , शुरुवात म बाट गर्नुहोस तर नागरिकलाई निष्पक्ष र भयरहति रुपमा आफनो अभिमत प्रकट गर्ने वतावरण बनाईदिनुहोस ” ।

उनले आम नागरिकलाई अपिल गर्दै भनेका छन “ तपाई पनि बिना वर्दीको प्रहरी हो पत्रकार पनि हो निर्वाचनलाई धुमील पार्न पैसा बोकेर आउलान, धाक धम्की देलान त्यसको भिडियो बनाउनुहोस फोटो खिच्नुहोस र सार्वजनीक गर्नुहोस तपाई जागेको बेला बदमाशहरु भाग्ने छन ।
नेता द्विवेदीले जनताको लोकतन्त्रकोलागि आफनो उम्मदवारी भएको र सबै नागरिकले आफूलाई अजय द्विवेदी सम्झेर निर्वाचनरुपी यो संग्राममा भाग लिन अपिल गरेका छन ।

पत्रकारको सवालको जवाफ दिदै उम्मेदवार द्विवेदीले पर्साको क्षेत्र नं १ का जनता राजनीतिक रुपमै बदलावको पक्षमा रहेका छन । पार्टी र उम्मेदवार भन्दा नागरिक अगाडि छन नागरिकले यसपाली आफनो अभिमत निष्ठा र राजनीतिको जीतकालागि ब्यक्त गर्ने आफूमा बिश्वास रहेको द्ववेदीले बताए ।

द्विवेदीले दल नदेखिने गुट देखिने गुट भित्र पनि यो वा त्यो देखिने, दल भित्र जनताको आवाज नवोलिने नदेखिने अहिलेको अवस्थामा स्वतन्त्र उम्मेदवार प्रति जनाको आकर्षण छ त्यसैले दलहरुकोलागि पनि आफनो उम्मेदवारी दवावपूर्ण हुने बताए ।

द्ववेदीले नागरिक अहिले राजनीतिमै बदलवा खोजिरहेका छन । जनता आफै अगाडि बढेर आफनो राजनीतिको दिशा तय गर्ने छन जनताको अहिलेको मुड यहि छ कुनै पनि अवरोध र षडयन्त्रले नागरिकको यो भावमा परिर्वतन नआउने अवस्था देखिएको छ ।

द्ववेदीले राजनीतिक तथा प्रशासनीक संरचनाले आफनो उद्धेश्य अनुरुप काम नगरेकोले लोकतन्त्रको प्रतिफल नागरिकले अनुभूत गर्न नपाएको चर्चा गर्दा प्रशासनीक संरचना र राजनीतिलाई सिस्टममा चलाउनकालागि आफूले ध्यान दिने बताए । संरचनाहरुको मजवुतीकरणले मात्र जनताको समस्या हल गर्न सक्ने बताए ।

प्रणाली बलीयो भयो भने मात्र बिकास र प्रगती हुने बताउदै नेता द्विवेदीले वडाध्यक्ष देखी सासँद गर्ने काम एउटै भएकोले बिकासको काम प्रभावकारी नभएको बताए ।

स्थानीय तहलाई बलियो बनाउनु पर्ने नेता द्विवेदी बिचार छ ।उनले जनसेवामा रहेका सरकारी संरचनाहरुको काम प्रभावकारी बनाउन ध्यान दिने उनले बताए ।

खानेपानी कार्यालयको परिभाषित काम खाने पानीको समस्याहरुको हल गर्ने र खाने पानीको गुणस्तरीयता पनि कामय गर्ने हो त्यो कार्यालयले त्यसो गर्न नसके त्यो दण्डीत हुन पर्छ अव यस्तो वतावरण बनाउन आवश्यक रहेको उनले बताए ।