कोरोना संक्रमणको इपीसेन्टरमा कोरोना परास्त हुदै ९ बिजेता घर फर्के, दुई जना पत्रकार पनि बिजय नजिक

5/23/2020 गते 00 00 मा प्रकाशित 1495 पटक पढिएको

कोरोना भाइरस संक्रमणको इपिसेन्टर बनेको बीरगंजले कोरोनसंग बिजय प्राप्त गर्न सकिने सन्देश पनि दिएको छ ।

वीरगंज स्थित नारायणी अस्पतालको आइसोलेसनमा उपचारत कोरोना संक्रमित ९ जना कोरोना संग जीतेर डिस्चार्ज भएसंगै यो सन्देश पनि प्रवाह भएको हो ।

नारायणी अस्पताल वीरगंजको आइसोलेसन मै उपचारत वीरगंजका २ जना पत्रकारको पहिलो पिसिआर रिपोर्ट नेगेटिभ आएको छ ।

कोरोना भाइरसको संक्रमणलाई परास्त गरेर घर फर्किनेमा पर्साका ३ जना, बाराका २ जना, रौतहटका ३ जना र एक जना भारतिय नागरिक रहेको मेडिकल सुपरिटेंडेंट डा. मदन उपाध्यायले जानकारी दिनुभयो ।

डा.उपाध्यायका अनुसार पर्साको वीरगंज महानगरपालिका वडा नं. २,३, १६ का क्रमश ३०, ५०, ५१ बर्षका पुरुष, बाराको सिम्रौनगढ ४ का ३१ बर्षिय पुरुष, जितपुर सिमरा १ का ४३ बर्षिय पुरुष, रौतहट गुजरा नगरपालिका ५ का ३५ बर्षिय पुरुष, इशनाथ नगरपालिकाका १९ बर्षिय पुरुष, बृन्दावन नगरपालिकाका २४ बर्षिय पुरुष र एक ४२ बर्षिय भारतीय पुरुष रहेका छन् ।

नारायणी अस्पतालको आइसोलेसनमा उपचारत ७१ जना मध्ये ९ जनाको लगातार २ पटकको पिसिआर रिपोर्ट नगेटिभ आए पछि डिस्चार्ज गरिएको मेडिकल सुपरिटेंडेंट उपाध्यायले वताउनुभयो ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।