भाइरस संक्रमण नियन्त्रण अभियानमा महानगरलाई अफिनको साथ

5/22/2020 गते 00 00 मा प्रकाशित 2052 पटक पढिएको

कोरोना भाइरसको संक्रमणको रोकथाम तथा नियन्त्रण अभियानमा बीरगंजका नीजी अस्पतालहरुले पनि सहयोग जुटाउन थालेका छन ।

नीजी अस्पतालहरुको संस्था एशोसिएशन अफ पराइभेट हेल्थ इन्स्टीच्यूट नेपालका तर्फबाट १६ लाख बराबरको सामाग्री उपलब्ध गराइएको छ ।

बीरगंज महानगरपालिकाले महामारी रोक्न र उपचारमा चालेको कदमलाई सहयोग पुर्याउने उद्धेश्यले सामाग्री उपलब्ध गराइएको संस्थाका प्रदेश अध्यक्ष राम श्रेष्ठले जानकारी दिनु भयो । संस्थाको अगुवाईमा सिद्धार्थ माविमा रहेको सेमी आइसोलेशनमा ९५ सेट म्याट्रेस र बेडसिट सहितको बेड उपलब्ध गराएको छ ।

त्यस्तै महानगरपालिकाको ब्यवस्थापनमा संचालीत नारायणी कोराना बिशेष अस्पताल गण्डकमा कोरोना संक्रमीतहरुको सेवा गर्न आठ जना स्वास्थ्यकर्मीहरु खटने कुरा लिखित जानकारी गराएको अध्यक्ष श्रेष्ठले बताउनु भयो ।

बेडसेट सहयोग स्वरुप नेशनल मेडिकल कलेजले २० थान भवानी अस्पतालले १९ थान, प्रभू अस्पतालले ५ थान एएमसीले ५ थान र एस्एल न्यूरोले १६ थान,आशाराम अस्पतालले १० थान,इन्डो अस्पतालले ५ थान,तराई अस्पतालले १० थान शाह नर्सिङ होमले १० थान गरि ९५ थान बेड उपलब्ध गराईएको हो ।

संस्थाका अध्यक्ष श्रेष्ठले यस्तो संकटको बेलामा सहयोग गर्ने सबै अस्पताललाई धन्यवाद दिदै सहयोगी भावना भविष्यमा पनि देखाईरहन आग्रह गर्नु भएको छ ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।