पकाहा मैनपुर गाउँपालिका सबैठवाका राम दयाल कुशवाहाले यो वर्ष १५ कठ्ठा जमिनमा तरकारी लगाउनु भयो । लकडाउनका कारण तरकारीले बजार सम्म जाने वतावरण नपाएपछि उहाँ चिन्तामा हुनुहुन्छ । १५ कठ्ठा जमिनमा  बोडी,करेला लौका र खुर्सानी लगाउनु भएको छ । 

अहिले बोडी बिग्रिन थालेको र करेला बारीमै रातो हुन थालेको कशुवाहाले बताउनु भयो तरकारीको बिक्री गर्ने वतावरण नबने लागत डुब्ने र किसानको टाउकोमा थप आर्थिक भार थपिने चिन्ता पनि उत्तिकै छ । 

लामो समयमसम्म देशभर बन्दाबन्दी (लकडाउन) भइरहेका बेला यसको ठूलो असर तरकारी उत्पादक किसानलाई परेको छ । तरकारी उत्पादन गरेर आम्दानी गर्ने समयमा बन्दाबन्दीले किसानलाई प्रत्यक्ष प्रभाव पारेको छ ।

स्थानीय उत्पादनको उपयुक्त समय भए पनि बजारसम्म तरकारी नपुग्दा उत्पादक किसान लगानी डुब्ने र फलेको सामग्री कसरी व्यवस्थापन गर्ने भन्ने चिन्तामा परेका छन् । 

बजारसम्म तरकारी लैजान नसक्दा बारीमा कुहिने अवस्था रहेको कुशवाहा बताउनुहुन्छ  ।  बोडी त  कुहिन पनि थाल्यो उहाँले भन्नु भयो तरकारीको माग राम्रै भए पनि बजार हुँदै उपभोक्तामाझ पुग्न नसक्दा यो अवस्था आएको हो । स्थानीय प्रशासनले तरकारी ढुवानी र वितरणमा कडाइ गर्दा आफ्नो तरकारी खेर गएको उहाँको गुनासो छ ।

त्यस्तै दुखेसो  छ प्रेम प्रसाद चौरसियाको बारीमा तरकारी छ तर बजार सम्म पुर्याउन सक्ने अवस्था छैन । बीरगंज सम्मका होलसेल बिक्रेता बारीमै आइ पुग्थे अहिले बन्दाबन्दीका कारण उनीहरु पनि आएका छैनन । तरकारी कसरी बेच्ने भन्ने सेच्दैमा रातमा निन्द्रा समेत लाग्न छोडेको उहाँको भनाई छ ।

पकाहा मैनपुरको बहुवर्वा भाठा तरकारी उत्पादनको पकेट क्षेत्र हो । गएको वर्ष यही बेलामा तरकारी बेचेर भ्याइनभ्याई हुन्थ्यो अहिले लागत नै डुब्छ की भन्ने डरले सताएको छ ।

 ‘तरकारी बिक्री गर्ने गाडीलाई सहज जान दिने, बजारमा बिक्री खरिद गर्न दिने व्यवस्था नगरे हामी किसान ऋणमा डुबेर जाने छौँ चौरसियाले भन्नु भयो । 

उपभोक्ताले खान नपाउने, किसानको बारीमा तरकारी सड्ने अवस्था छ । सुरक्षित तरिकाले किसानले उत्पादन गरेको सामग्री बिक्री गर्न दिने व्यवस्था प्रशासनले गर्नुपर्ने कुशवाहाको माँग छ ।

सबैठवामा उत्पादित तरकारी भारत तर्फ निकासी हुदै आएको थियो  तर अहिले किसानको तरकारी खेतमै छ भारतबाट तरकारी आयात भइरहेको छ कुशवाहाले भन्नु भयो पहिला काठमाण्डौ पनि जान्थ्यो अहिले बीरगंज सम्म लाने सुविधा छैन  स्थानीय बजारमा कम खपत हुन्छ  तरकारी त खेतमै पो कुहिन्छ जस्तो छ।

सबैठवामा मात्रै ४ बिगाहमा तरकारीको खेती छ । लकडाउनअघि तरकारीको सहज आपूर्ति भए पनि अहिले तरकारी बिक्री ठप्पजस्तै भएको अर्का किसाना बिध्यान्चल कुशवाहाले बताउनु भयो ।

सबैठवाका किसानले तरकारीको आपूर्तीकालागि सहज ब्यवस्था मिलाउन स्थानीय प्रशासनसंग माँग गरेका छन । स्थानीय प्रशासनले भारतयि तरकारीको आयातमा रोक लगाएको छ । स्थानीय उत्पादनलाई साइकलमा राखेर टोल टोलमा घुमाएर बेच्न पाउने नीति लिएको छ ।

तर तरकारी उत्पादक किसानले गाउँमा लाग्ने हाट बजारमा घुमाएर बेच्दा तरकारी नसकिने बताएका छन । तरकारी बीरगंज सम्म पुग्ने वतावरण बनाउन पर्ने उनीहरुको माँग छ । ग्रामीण इलाकामा धेर थोरै सबैको बारीमा तरकारी हुन्छ त्याहा कम खपत हुने र उपभोक्ता शहरमा भएकोले तरकारी शहर पुग्ने वतावरण बनाउनु पर्नेमा उनीहरुको जोड छ ।