कोरोना जितेर आज आठ जना घर फर्के ,अहिले सम्म घर फर्किनेको संख्या ४५ पुगको छ

5/20/2020 गते 00 00 मा प्रकाशित 1068 पटक पढिएको

नेपालमा कोरोना भाइरस संक्रमण निको भएर घर फर्किनेको संख्या ४५ पुगेको छ । आज थप ८ जना कोरोना भाइरस संक्रमित निको भएर घर फर्किएका हुन् ।

स्वास्थ्य तथा जनसंख्या मन्त्रालयको नियमित पत्रकार सम्मेलनमा प्रवक्ता डा. विकास देवकोटाले थप ८ जना कोरोना भाइरस संक्रमित निको भएर घर फर्किएको जानकारी दिनु भयो ।

उहाँका अनुसार कोसी अस्पालमा रहेका ८ जनाको पीसीआर विधिबाट गरिएको परीक्षणमा नेगेटिभ नतिजा आएपछि डिस्चार्ज गरिएको हो । संक्रमितहरू २९ र ३३ दिनमा अस्पतालमा रहेर डिस्चार्ज भएका हुन् ।
कोसी अस्पालमा रहेका ८ जनाको पीसीआर प्रविधिबाट नेगेटिभ नतिजा आएपछि २९ र ३३ दिनमा अस्पतालमा रहेर डिस्चार्ज भएको हालसम्म डिस्चार्ज हुनेको संख्या ४५ पुगेको उहाँले बताउनु भयो ।

नेपालमा कोरोना भाइरस संक्रमिको संख्या ४२७ पुगेको छ । बुधबार मात्रै २५ जना संक्रमित थपिएका हुन् । हालसम्म कोरोना भाइरसका कारण २ जनाले ज्यान गुमाएका छन् ।

स्वास्थ्य मन्त्रालयको पछिल्लो विवरणअनुसार बुधबारसम्म ३५ हजार ४ सय ९४ नमुनाको पीसीआर विधिबाट परीक्षण गरिएको छ । ७५ हजार ७२ जनाको आरडीटी विधिबाट परीक्षण गरिएको छ ।

स्वास्थ्य मन्त्रालय २४ घण्टाको अवधिमा २ हजार ४ सय ८८ नमुना पीसीआर विधिबाट परीक्षण गरिएको छ । त्यसैगरी ३ हजार ६ सय १० जनाको आरडिटी विधिबाट परीक्षण गरिएको छ । २३ हजार २ जना २ जना क्वारेन्टाइनमा रहेका छन् ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।