यस वर्ष पर्सामा गहुँको उत्पादनमा बढ्यो ,प्रति प्रतिहेक्टरमा १९ प्रतिशतले वृद्धि

5/18/2020 गते 00 00 मा प्रकाशित 1125 पटक पढिएको

बीरगंज ५ जेठ ।

पर्सामा यसबर्ष गहुँको उपादनमा वृद्धि भएको छ । चालू आर्थिक बर्ष ०७६÷०७७ मा पर्सामा २६ हजार हेक्टर क्षेत्रफलमा गहुँबाली लगाईएको थियो ।

यस वर्ष ८० हजार ६ सय मेट्रिक टन गहुँ उत्पादन भएको छ । गत आर्थिक बर्ष ०७५÷०७६ मा पर्सामा ६७ हजार ६ सय मेट्रिक टन गहुँ उत्पादन भएको थियो ।

यसबर्ष उत्पादकत्व बढेर १३ हजार मेट्रिकटन बढी गहुँ उत्पादन भएको कृषि ज्ञान केन्द्र पर्साका प्रमुख डाक्टर रामचन्द्र यादवले बताउनुभयो ।

डाक्टर यादवका अनुसार गतबर्षको उत्पादकत्व प्रति हेक्टर २.६ मेट्रिक टन रहेको थियो । चालू आर्थिक बर्षमा उपादकत्व बढेर प्रतिहेक्टरमा ३.१ मेट्रिक टन गहुँ उत्पादन भएको छ । गतबर्ष भन्दा यसबर्ष पर्सामा गहुँ उत्पादनमा १९ प्रतिशतले वृद्धि भएको हो ।

गहुँलाई आवश्यक पर्ने पानी समयमा परेको, रोगको प्रकोप नदेखिएको र हावाहुरी पनि कम चलेकाले गहुँको उत्पादन बढेको कृषि ज्ञान केन्द्रका प्रमुख डाक्टर यादवले बताउनुभयो ।

तर, चैतको अन्तिम सातामा आएको हावाहुरीले पर्सामा ६ हजार ३ सय ५० हेक्टरमा लगाईएको गहुँबालीमा भने क्षति पु¥याएको डाक्टर यादवले जानकारी दिनुभयो । २.८ मेट्रिकटन प्रतिहेक्टरको गहुँ हावाहुरीले क्षति पु¥याएकोले ३.२ मेट्रिक टन् उत्पादन भएको गहुँको औसत फल निकाल्दा यसबर्ष ३.१ मेट्रिकटन प्रतिहेक्टरमा गहुँ उत्पादन हुँदा १९ प्रतिशतले वृद्धि भएको उहाँले बताउनुभयो ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।