नेपाली सेनाका एक जर्नेलमा कोरोना संक्रमणको पुष्टि,मध्य पृतना ब्यारेक पूर्ण रुपमा शिल

5/17/2020 गते 00 00 मा प्रकाशित 1105 पटक पढिएको

बीरगंज ४ जेठ ।

नेपाली सेनाको मध्यपूर्वी पृतनाका प्रमुखलाई कोरोना भाइरस संक्रमण पुष्टि भएको छ । पृतनापतिमा कोरोना संक्रमण पुष्टि भएपछि पुरै ब्यारेक सिल गरिएको छ ।

महोत्तरीको बर्दिवास नगरपालिकामा रहेको मध्य पृतनाका पृतनापतिमै कोरोना संक्रमण देखिएपछि पूरै ब्यारेकलाई सिल गरिएको छ । पृतनापतिमा संक्रमण देखिएका कारण लगभग २ हजार सेना रहेको सो पृतनालाई सिल गरिएको हो ।

स्वास्थ्य मन्त्रायलले शनिबार अपराह्न काभ्रे घर भइ महोत्तरीमा कार्यरत २६ वर्षीय र महोत्तरीका ५२ वर्षीय पुरुषमा कोरोना भाइरसको संक्रमण भएको पुष्टि गरेको थियो ।तर, उनको नाम र दर्जा खुलाएको थिएन ।

मध्यपूर्वी पृतनामा उपरथीको नेतृत्व छ । बर्दिवासको किशान नगरस्थित पृतनाका प्रमुख लकडाउनका समयमा विभिन्न कार्यक्रममा सहभागी भएका थिए । त्यसक्रममा उनलाई संक्रमण भएको हुन सक्ने प्रारम्भिक आशंका गरिएको छ ।

सेनाको पृतनामा चिकित्सकसहितको सुविधा पनि छ । पृतनापति कोरोना देखिएपछि उपचारका लागि शनिवारै काठमाडौं गएका छन् । उनको एपीएफ कोरोना अस्पतालमा उपचार भइरहेको छ ।

पृतनापतिसँगै सोही ब्यारेकका एक चिकित्सकमा समेत कोरोना संक्रमण देखिएको थियो । सो ब्यारेकमा गण, गुल्म, सिग्नल गण, मेडिकल गण, बिद्यालय गण लगायत छन् ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।