बीरगंज ३ जेठ ।

बीरगंज महानगरपालिकाले बीरगंजको गण्डकमा रहेको गण्डक अस्पताललाई कोरोना बिशेष अस्पतालको रुपमा संचालन गर्ने गरि नारायणी अस्पतालाई हस्तान्तरण गरेको छ ।

 बीरगंज महानगरपालिकाका प्रमुख बिजय कुमार सरावगीले नारायणी अस्पतालका मेडिकल सुपरिटेण्डेण्ट डा. मदन कुमार उपाध्यायलाई अस्पातल हस्तान्तरण गर्नु भएको हो ।

हस्तान्तरण पूर्व अस्पताल शिल गरिएको थियो । अस्पतालमा सीसी क्यामरा टेलिभिजन सेट जडान गरिएको छ । नारायणी अस्पतालको शाखाका रुपमा कोरोना बिशेष अस्थायी अस्पतालका रुपमा गण्डक अस्पतालमा कोरोनाबाट संक्रमणमा परेका ब्यक्तिहरुको उपचार हुने छ । अस्पताल हस्तान्तरण गर्दै बीरगंज महानगरका प्रमुख बिजय सरावगीले सन्तोष ब्यक्त गर्नु भयो ।

अवरोधहरु निकै आए धैर्यता नगुमाईकन जनतालाई केन्द्रमा राखेर काम गरेकोले अस्पताल हस्तान्तारणको क्षणमा आइपुग्दा सन्तोष लागेको उहाँले बताउनु भयो । उहाँले कोरोनाको संक्रमण नियन्त्रण होस त्यसको संक्रमण फैलीन नपाओस भन्ने आफनो चाहना रहेको बताउनु भयो ।

प्रमुख सरावगीले  जनताको प्रतिनिधि भएको नाताले पूर्व तयारी गर्नु पर्छ भन्ने हुटहुटी जागेर आउछ त्यसैले कसले के टिप्पणी गर्छ त्यसको प्रवाह नगरि जनतालाई सजिलो होस भनेर ब्यवस्थापनमा लागेको बताउनु भयो ।

गण्डक अस्पतालका बिषयमा धेरै टिप्पणीहरु पढियो त्यी टिप्पणीहरुको उद्धेश्य हतोत्साही गर्नु थियो तर जनताको आर्शिवाद साथमा थियो बिगार्ने भन्दा सपार्ने हातहरु पाए उहाँले भन्नु भयो “ त्यसैको परिणाम हो कसरी चल्छ चलाएर देखाउ भन्नेलाई  गण्डक अस्पताल कोरोना बिशेष अस्पतालका रुपमा चल्ने भयो राम्रोसंग हेर्नुहोला भन्छु  ।

५० शैय्याको गण्डक अस्पतालमा महानगर प्रमुख सरावगीले आजै २० सेट पूर्ण बेडको ब्यवस्था मिलाउनु भयो । गण्डक अस्पतालमा ७० शैय्याको ब्यवस्था भएको छ । 

अस्पताल हस्तान्तरण गर्दै महानगर प्रमुख सरावगीले ३ वटा पानी तताउने टंयाकी,१ सय थान एन नाइन्टी फाइभ मास्क, १ हजार ५ सय थान सर्जिकल मास्क,९० थान पिपीई , पन्जा १ सय ८०  बक्स,थर्मल गन २ थान ९० थान मेडिकल चश्मा ९० जोडी जुत्ताको कभर  ९० थान हेड कभर लगायतका स्वास्थ्य समाग्री तथा उपकरण पनि हस्तान्तरण गर्नु भयो । 

महानगरको ब्यवस्थापनमा मुलुकमै पहिलो कोरोना बिशेष अस्पतालको रुपमा नारायणी अस्पतालले आफनो जनशक्ति तथा प्राविधिक नेतृत्वमा कोभिड अस्पताल संचालनमा ल्याउने भएको छ ।

अस्पतालको स्वामित्व लिदै मेडिकल सुपरिटेण्डेण्ट डा.मदन कुमार उपाध्यायले अस्पताल चाडै संचालनमा आउने बताउनु भयो । अस्पतालको सेटअप मिलाएर डिसइन्फेक्टेड गरे पछि कोरोना भाइरसका संक्रमणमा परेका ब्यक्तिहरुलाई भर्ना गरिने उहाँले बताउनु भयो । उहाँले त्यसकालागि आवश्यक तयारीमा आफूहरु छुटेको बताउनु भयो ।

कोभिड अस्पतालमा सेवा दिने चिकित्सक तथा स्वास्थ्यकर्मीहरुकालागि बास र खानाको ब्यवस्था टाउन हलमा गरिएको महानगर प्रमुख सरावगीले बताउनु भयो ।