बीरगंजका सबै पत्रकारको परिक्षणकालागि स्वाब संकलन,संक्रमीतहरु नारायणीको आइसोलेशनमा

5/13/2020 गते 00 00 मा प्रकाशित 1247 पटक पढिएको

बीरगंज ३१ बैशाख ।

पर्सामा २ जना पत्रकारमा कोरोना भाइरसको संक्रमण पुष्टि भएपछि संक्रमीत पत्रकारहरुको सम्र्पकमा रहेका सबै पत्रकारको थ्रोट स्वाब परिक्षणकालागि संकलन गरिएको छ ।

बीरगंजको नारयायणी अस्पतालमा बीरगंजका पत्रकारहरुको स्वाब संकलन गरिएको हो । यही वीचमा पत्रकार महासंघको आन्दोलनको नाममा पत्रकारहरु सडकमा समेत उत्रेकोले पत्रकारहरु जोखिममा रहेको बताइएको छ ।

बुधवार बिहान अस्पतालमै पुगेर १ सय २३ भन्दा बढी संचारकर्मीले परिक्षणकालागि आफनो स्वाब दिएका छन ।
भिटिएम किट सकिएपछि अन्य बाँकी पत्रकराहरुलाई बेलुका पाँच बजे आउन नारायणी अस्पतालका मेडिकल सुपरिटेण्डेण्ट डा . मदन कुमार उपाध्यायले बताउनु भयो ।

पत्रकारहरुले नाम लेखाएका छन उहाँहरु परिक्षणकालागि स्वाब दिन पाँच बजे जाने प्रेस संगठन पर्साका संयोजक निरज पिठाकोटेले जानकारी दिनु भयो ।

मंगलवार कोरोना भाइरसको संक्रमण पुष्टि भएका सबैलाई नारायणी अस्पतालको आइसोलेशन वार्डमा राखएिको डा.उपाध्यायले बताउनु भयो ।

अस्पतालमा तयारी अवस्थामा ७० वडा बेड रहेकोमा अन्य बेडको ब्यवस्थापन गरिने उहाँले बताउनु भयो । संक्रमणको फैलावट यही रफ्तारमा रहे आइसोलेशनको ब्यवस्थापन चुनौतीपूर्ण हुने उहाँले बताउनु भयो ।

यसैवीच प्रेस संगठन प्रदेश समितिको तर्फबाट संयोजक हिरा चौधरी र संह संयोजक फणी महतले आज एक बिज्ञप्ति जारी कोरोना संक्रमण पुष्टि भएका पत्रकारहरुको शिघ स्वास्थ्य लाभको कामना गर्नु भएको छ ।

साथै सबै पत्रकारहरुको स्वाब परिक्षणको ब्यवस्था मिलाउन तीने तहको सरकारसंग माग गरिएको छ ।

पत्रकारहरुको सुरुक्षकालागि सुरक्षात्मक उपकरण उपलब्ध गराउन समेत माँग गरिएको छ । संगठनले पत्रकारहरुलाई आफनो सुरक्षालाई पहिलो प्रथामिकतामा राखेर काम गर्न समेत आग्रह गरेको छ ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।