बीरगंजमा दुई जना पत्रकारमा कोरोना संक्रमण पुष्टि,स्थानीय प्रशासनद्वारा जेठ पाँच गते सम्म निषेधज्ञा जारी

5/12/2020 गते 00 00 मा प्रकाशित 1366 पटक पढिएको

बीरगंज ३० बैशाख । पर्सामा भेटिएका ३९ जना कोरोना भाइरस (कोभिड–१९) संक्रमितमध्ये दुई जना पत्रकार भएको पाइएको छ ।

चार जना पत्रकारको स्वाब परिक्षण गरिएकोमा दुई जना पत्रकारमा कोरोना भाइरसको संक्रमण पोजेटिभ देखिएको हो ।

संक्रमण पुष्टि भएका पत्रकार निकै ब्यक्तिसंग र पत्रकारसंग सम्पर्क भएको हुनले पनि सबै पत्रकारहरु चिन्तामा परेका छन ।

पत्रकारहरुको थ्रोट स्वाब संकलन गरि परिक्षण गर्नु पर्ने नेपाल पत्रकार महासंघ प्रदेश २ का अध्यक्ष दीपेन्द्र चौहानले बताउनु भएको छ । उहाँले जीवन जोगाएर घरमै बसे पत्रकारिता गर्न समेत सबै पत्रकारहरुलाई अपिल गर्नु भएको छ ।

नारायणी अस्पतालका मेसु डा. मदन उपाध्यायले संक्रमितमध्ये पत्रकार पनि भएको पुष्टि गरेका छन् ।

वीरगञ्जमा पहिलो पटक ३१ चैतमा तीन जना जमातीमा संक्रमण देखिएको थियो भने छपकैयामा एकै परिवारका १८ जनामा संक्रमण पुष्टि भएको छ ।

पत्रकार सहित ३९ जनामा कोरोना भाइरसको संक्रमण पुष्टि भएपछि स्थान्ीय प्रशासनले निषेधज्ञा जारी गरेको छ ।

बीरगञ्जमा मगंलबार राती ८ बजेदेखी नै लागु हुनेगरी निशेधाज्ञा जारी भएको छ। वीरगञ्जमा मंगलबार ३९ जनामा कोरोना संक्रमण पुष्टि भएपछि निशेधाज्ञा जारी गरिएको हो। स्थानिय प्रशासनले निशधाज्ञा कार्यान्वयनका लागि सेना समेत परिचालन गर्ने निर्णय गरेको छ।

स्थानीय प्रशासन र सुरक्षा निकायका प्रमुखहरुवीचको छलफलपछि निशेधाज्ञा जारी भएको पर्साका प्रमुख जिल्ला अधिकारी बिष्णु प्रसाद कार्कीले जानकारी दिनु भयो ।

मंगलवार ८ बजेबाट शुरु भएर जेठ ५ गते राती १२ बजेसम्म निशेधाज्ञा रहने ,प्रजिअ कार्कीले बताउनु भयो । अत्यावश्यक बाहेक अरु केहि पनि सवारी चल्न नपाउने र पर्साबासीलाई घरबाट बाहिर ननिस्कन समेत उहाँले आग्रह गर्नु भएको छ ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।