अन्तत कोभिड अस्पताल बन्यो गण्डक,नारायणीको सेवा पूर्ववत संचालन हुने,कोभिड बिरुद्ध प्रतिकार्य समिति बन्ने

5/9/2020 गते 00 00 मा प्रकाशित 1374 पटक पढिएको

बीरगंज २७ वैशाख । अन्तत बीरगंजको गण्डक अस्पतालमा कोभिड १९ अस्पताल संचालनमा आउने भयो ।

संघीय स्वास्थ्य मंत्रालयले पाठाएको बिज्ञ टोली, प्रदेश सरकारको स्वास्थ्य मंत्रालयका प्रतिनिधि तथा बीरगंज महानगरपालिका वीचमा शनिवार बिहान भएको बैठकले गण्डक अस्पताललाई कोभिड अस्पतालको रुपमा संचालनमा ल्याउने निर्णय गरेको हो ।

नारायणी अस्पतालको प्राविधिक ब्यवस्थापकीय नेतृत्वमा महानगरपालिकाको संयोजनमा गण्डक अस्पतालको पूर्वाधार प्रयोग गर्ने कुरामा नेपाल सरकारले बीरगंजमै आएर निर्णय लिएको छ ।

यो निर्णय संगै अव नारायणी अस्पतालको रुटिङ सेवा संचालनमा आउने छ ।

गण्डक अस्पतालमा कोरोना भाइरसको संक्रमणबाट समस्यामा परेका बिरामीको उपचार हुने अव भने पक्का भएको छ ।

नारायणी अस्पतालको प्राबिधिक ब्यवस्थापन र जनशक्तिको नेतृत्वमा नेशनल मेडिकल र महानगरका पच्चीस पच्चीस प्रतिशत जनशक्ति परिचालन गरि बीरगन्ज महनगरपालिकाको संयोजनमा अस्पताल संचालन हुने कार्यविधि तय भएको छ ।

यो संगै बीरगंज महानगरपालिकालको २ सय बेड क्षमता को आइसोलेशन सेन्टरको स्थापना गर्ने निर्णय पनि भएको छ ।

बीरगंज महानगरपालिकाले सर्वपपक्षीय बैठक आयोजना गरि सबैको समन्वयमा महानगर प्रमुखकको संयोजकत्वमा कोरोना १९प्रतिकार्य तयारी समिति गठन गरेर काम गर्ने निर्णय भएको महानगरका प्रेस सल्लाहकार गोविन्द देबकोटाले जानकारी दिनु भयो ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।