नेकपा एमालेले पर्सा क्षेत्र नं १ को ( क) बाट संबिधान सभा सदस्य बिचारी यादवको नाम प्रदेश सभा सदस्यमा सिफारिश भएको छ ।

प्रदेश समन्वय कमिटीको शुक्रवार भएको बैठकले राजेन्द्र यादव, अमल यादव, बिनुदेवी सिलवाल, रामबाबु कुमार सिंह, मुस्तकिम अंसारी र बालेश्वर गौरोको नाम पनि प्रत्यक्ष तर्फ सिफारिस गरेको छ ।

यसैगरी बैठकले समानुपातिक तर्फ मेघराज पासवान, ताजुदिन अंसारी, रामानन्द राउत कुर्मी, संतोष पासवान, बाबुराम खनाल, लतिफन खातुन, मञ्जुर आलम, नन्दीकिसोर यादव ,रोजमहम्द मियाँँ अंसारी, सुनिता देवी यादव र मनोज पंडितको नाम सिफारिस गरेको छ ।

पर्सा इन्चार्ज प्रभु हजराको प्रमुख आतिथ्यमा सम्पन्न बैठकमा सह इन्चार्ज अरविन्द सिंह, पर्सा अध्यक्ष जयप्रकाश थारु लगायतकाले धारणा राखेका थिए थिए । क्षेत्र नम्बर १ (क) संयोजक अमानत अंसारीको अध्यक्षतामा बैठक सम्पन्न भएको थियो ।

यसैगरि नेकपा एमाले पर्सा क्षेत्र नम्बर २ (ख) को प्रत्यक्ष तर्फ केन्द्रिय प्रचार तथा प्रकाशन विभाग सदस्य महेश दासको नाम सिफारिश भएको छ ।

प्रदेश समन्वय समिति क्षेत्र न २ को (ख) शुक्रवार भएको बैठकले प्रत्यक्ष तर्फ श्याम गुप्ता , रुप नारायण प्रसाद , हरेराम पटेल र खुर्रम आलम को नाम सिफारिस गरेको छ ।

यसैगरी प्रदेश सभाको समानुपातिक तर्फ हरि शंकर लाल कर्ण , हिरामती देवी कुर्मी , शशिवाला देवी, नुतन सरावगी, अफजल हुसेन , शारा खातुन को नाम सिफारिस गरेको छ ।

त्यसैगरि नेकपा एमालेको पर्साको क्षेत्र नं १ बाट पत्रकार के.सी.लामिछानेलाई समानुपातिक सांसद उम्मेदवारमा नाम सिफारिश गरिएको छ । वीरगंजमा सम्पन्न पार्टीको क्षेत्रीय समन्वय समितिको बैठकले पत्रकार लामिछानेको नाम समानुपातिबाट संघीय सासद उम्मेदवारमा सफिारिश गरिएको संयोजक लालबाबु शेखले जानकारी दिए ।

वीरगंजलाई कर्मथलो बनाएर पत्रकारितामा क्रियाशिल लामिछाने नेपाल पत्रकार महासंघको केन्द्रीय कमिटीका सदस्य पनि हुन । दुई दशक भन्दा बढी समयदेखी पत्रकारितामा क्रियाशिल पत्रकार लामिछानेको पहिचान शालिन र बौद्धिक ब्यक्तिका रुपमा स्थापित छ ।

अनेरास्ववियुवाट राजनीतिमा क्रियाशिल लामिछानेले अनेरास्ववियु र प्रेस चौतारी नेपालको केन्द्रीय तहमा रहेर काम गरिसकेका छन । नेपाल पत्रकार महासंघ पर्साको सदस्य, सचिव अध्यक्ष मधेश प्रदेशको उपाध्यक्ष हुदै हाल नेपाल पत्रकार महासंघमा प्रेस चौतारी नेपालको तर्फबाट बिजयी एक मात्र केन्द्रीय सदस्य हुन ।

उनै लामिछानेलाई शुक्रवार सम्पन्न नेकपा एमाले पर्सा क्षेत्र नं ३ को ( क) प्रदेश समन्वय कमिटीको बैठकले प्रदेश सभाको समानुपातिक उम्मेदवारमा पनि सिफारिश गरेको छ । प्रत्यक्ष निर्वाचनकालागि आकांक्षी रहेका लामिछानेलाई समानुपातिक तर्फ सिफारिश गरिएको हो ।

नेकपा एमालेका केन्द्रीय सदस्य एवम् पर्सा सह ईन्चार्ज राजकुमार गुप्ता को प्रमुख अतिथ्यामा बैठक समपन्न भएको हो ।

बैठकले प्रदेश सभा सदस्यको लागि प्रत्यक्षमा निरराज गिरि र समानुपातिकमा पत्रकार के.सी.लामिछाने लक्ष्मी थापा कुशवाहा, पुरन प्रसाद यादव, अशर्फ मिया, ईमाम मिया, ईन्द्र देव महतो थारु, गौरि यादव, को नाम सिफारिश गरेको छ । बैठक कमिटीका अध्यक्ष हरिनारायण चौधरीको अध्यक्षतामा सम्पन्न भएको थियो ।