बीरगंज २५ बैशाख ।

बीरगंजा एकै परिवारका १७ जनामा कोरोजा भाइरसको संक्रमण देखिएपछि कोरना भाइरसको संक्रमणको प्रभाव समुदायमा बढेको निष्कर्ष निकाल्न थालिएको छ ।

बैशाख १७ गते बीरगंजको छपकैयाका ३६ वर्षिय युवामा संक्रमण पुष्टि भएपछि उनकै परिवारका थप १७ जनामा बैशाख २४ मा संक्रमण पुष्टि भएको हो । 

कोरोना भाइरसको संक्रमण पुष्टि भएकाहरुमा लक्षण भने त्यस्तो केही पनि नदेखिएको चिकित्सकहरुले बताएका छन । ३६ वर्षिय ति युवा राजनीतिक रुपमा  सक्रिय र समाजसेवामा समेत संलग्न युवा हुन ।

राहत बितरणको अभियानलाई सहयोग पुर्याउन उनी आफनो वडामा खटेका थिए । उनको यो सक्रियताले वडाभरिका १ हजार भन्दा बढी नागरिकसंग “कन्टयाक्ट” भएको अनुमान गरिएको छ । उनको जनसम्पर्कका कारण पनि अहिले शिल गरिएको क्षेत्रमा द्रुत गतीमा परिक्षणको आवश्यकता छ ।

वैशाख १४ मा वडा न .३ का  ४७ वर्षीय पुरुषमा संक्रमण पुष्टि भएको थियो । महानगरका सरसफाइ नाइके रहेका ती व्यक्ति वडा ३ मा राहत वितरणमा समेत सक्रिय थिए ।

३६ वर्षिय ती युवक सरसफाइ नाइकेबाटै संक्रमित भएको चिकित्सकले आशंका गरेका छन् । चैत ३० मा कोभिड पुष्टि भएका तीन भारतीयको सम्पर्कमा आएको हुन सक्ने भन्दै ती सरसफाइ कर्मचारीको थ्रोट स्वाब परीक्षण गरिएको थियो । 

वीरगन्जमा बैशाख २४ मा  भेटिएका १७ संक्रमितको सम्पर्कमा आएका मध्ये ८१ जनाको पहिचान भएको छ । नारायणी अस्पतालले एउटै टोलमा बस्ने उनीहरूको थ्रोट स्वाब संकलनको तयारी थालेको छ ।

नारायणी अस्पतालमा जम्मा ४ सय भीटीएम छन् । वडा नं ३ को प्रत्यक घरधुरीलाई परिक्षणको दायरामा ल्याउनु पर्ने आवशकयता रहेको नारयाणी अस्पतालका मेडिकल सुपरिटेण्डेण्ट डा.मदन कुमार उपाध्यायले बताउनु भयो ।

उहाँले भन्नु भयो“१ हजार भन्दा बढी भिटिएम माँग गरेका छौ सघं र प्रदेश सरकारले दिने त भनेका छन अहिले सम्म आएको चाही छैन ” । कोरोना भाइरसको संक्रमण नियन्त्रण गर्नकालागि जाँचको दायरा बढाउनु पर्नेमा डा.उपाध्यायको जोड छ ।

उहाँले सरकारले घोषणा गरेको लकडाउन बढाउने र त्यसमा नागरिकले पालना गर्ने ,परिक्षणको दायरमा बढाउने  सबै सरकारको समन्वयकारी भूमिका हुनु पर्ने आम नागरिकले नैतीक सहयोग गर्नु पर्ने  बताउनु भयो ।

तीन तहको सरकारले नागरिकलाई प्रथामिकतामा राख्न नसकेका कारण पनि समस्या भयावह हुन्छ कि भन्ने चिन्ता बढेर गएको छ । प्रदेश २ मा बीरगंजको नारयाणी अस्पताल बाहेक अन्त कतै पनि कोरोना भाइरसको संक्रमणका बिरामी उपचार गर्ने गरि अस्पतालको ब्यवस्था हुन सकेको छैन ।

 लकडाउन घोषणाको ४५ दिन पुग्दा समेत अस्पतालको ब्यवस्था गर्न नसक्नुले सरकारी उदासिनतालाई बुझ्न सकिन्छ । बीरगंजमा एकै परिवारमा १७ जनालाई कोरोजा भाइरसको संक्रमण पुष्टि भएपछि नारायणी अस्पतालमा आइसोलेशन बेडको अभाव भएको छ ।

२५ बेडको तयारी गरिएकोमा अहिले २७ जना बिरामी उपचारगराई रहेका छन । यो वीचमा नारायणी अस्पतालको मातहतमा रहने गरि गण्डक अस्पताललाई उपयोग गर्ने कुरामा संघ सरकारले प्रदेश सरकारको सर्मथनको प्रतिक्षा गरिरहेको छ ।

त्यो दिएको देखिदैन । आफूले नगर्ने संघ सरकारलाई समर्थन समेत नदिने प्रदेश सरकारको यो नीतिले पनि समस्या पैदा गरेको छ । राजनीतिक अहम र बर्चस्वका कारण नागरिकलाई समस्यामा पर्ने प्रवृतिले प्रदेश २ लाई झन जोखिमपूणर्् बनाएको छ ।