सरकारहुनुको कर्तब्य पुरा गर्दै सखुवा प्रसौनी गाउँपालिका, विरामीकालागि निुशल्क एम्बुलेन्स

इसीमाना सम्वाददाता २०७९ भदौ १२ गते ०९: १३ मा प्रकाशित 979 पटक पढिएको

सखुवाप्रसौनी गाउँपालिकाले आफनो पालिकाका बिरामीहरुलाई निशुल्क एम्बुलेन्स सेवा उपलब्ध गराउने भएको छ ।

गाउँपालिकाको हालै सम्पन्न नवौं गाउँसभाबाट निशुल्क एम्बुलेन्स सेवा उपलब्ध गराउने बिषयमा निर्णय भएको थियो ।

पर्सा जिल्लाको कुनै पनि अस्पतालमा विरामी लैजानु परेमा पालिकाको वडा नं १ मधुवन मथवल स्वास्थ्य चौकी र महुवन स्वास्थ्य चौकीमा रहेको एम्बुलेन्सले निशुल्क सेवा दिने गरि प्रवन्ध गरिएको पालिकाका अध्यक्ष यशवन्त यादवले जानकारी दिए ।

उनले जनतासंग गरिएको प्रतिवद्धतालाई आफनो कार्यकालमा पुरा गर्ने गरि काम गरेको बताए । प्रतिवद्धता विर्सनकोलागि होइन कार्यान्वयनकोलागि गरिएकोले पालिकाको स्रोत साधनको सहि सदुपयोग गरेर प्रतिवद्धता पुरा गर्ने उनको भनाई छ ।

पालिकामा बसोबास गरेका पालिका बाहिरका बासिन्दकालागि भने यो सुविधा उपलब्ध छैन । पर्सा जिल्ला भन्दा बाहिर जानु पर्दा पालिका भित्रका विरामीले इन्धनको शुल्क भने ब्यहार्ने गरि ब्यवस्था गरिएको पालिकाका प्रशासकीय अधिकृत देवनाथा साहले बताए ।

पालिकाले यो सेवा भदो १ गते देखी संचालनमा ल्याएको साहले बताए । नागरिकको स्वास्थ्य अधिकार आधारभूत मौलीक अधिकारको रुपमा सम्बिधानले ब्यवस्थित गरेको छ ।

मौलीक अधिकार वहाली गराउन सखुवा प्रसौनी गाउँपालिकाले प्रभावकारी काम गरेको भन्दै निशुल्क एमबुलेन्स सेवाको चौतर्फी प्रसंशा गरिएको छ ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।