महानगर कृषि सामाग्री कम्पनीवीच सहमतीपछि नियन्त्रणमा लिइएका ट्रकहरु फिर्ता

इसीमाना सम्वाददाता २०७९ सावन ३० गते ०७: १७ मा प्रकाशित 469 पटक पढिएको

वीरगंज महानगरप्रमुख राजेशमान सिंहले नियन्त्रणमा लिएको रासायनीक मल आज कृषि समाग्री कम्पनीले प्राप्त गरेको छ ।

कम्पनीका मधेश प्रदेश प्रमुख चन्द्रप्रसाद चौलागाई र वीरगंज महानगरपालिकाका प्रमुख प्रशासकीय अधिकृत लक्ष्मीप्रसाद पौडेलकावीच रसायीनक मलका बिषयमा भएको छलफलमा सहमती जुटेपछि मल कम्पनीले प्राप्त गरेको हो ।

कृषि समाग्री कम्पनी लिमिटेडको वीरगन्ज १६ नगवाको भुटनदेवी मन्दीर सगै रहेको गोदामबाट आइतबार महानगर प्रमुखले ४ वटा ट्रक र ट्याक्टरमा मल नियन्त्रणमा लिएका थिए ।

महानगरपालिका प्रमुख प्रशासकिय लक्ष्मी प्रसाद पौडेल र कृषि समाग्री कम्पनीका प्रादेशिक प्रमुख चन्द्र प्रसाद चौलागाइ बिच सोमबार भएको छलफलमा ४ बुन्दे सहमती भएपछी मल सहित ट्रक फिर्ता गरिएको हो ।

वीरगन्ज महानगरपालिका मार्फत कृषकलाइ उपलब्ध गराउदै आएकोमा थप ६ हजार बोरा युरिया मल यहि साताभित्र उपलब्ध गराउने, कलकत्ताबाट आयात हुने युरिया मल मध्ये ४ हजार बोरा थप मल उपलब्ध गराउने सहमती भएको छ ।

त्यसैगरि, कम्पनीले उपलब्ध गराउने थप युरिया मल वितरणको लागि नया प्रणाली मार्फत वीरगन्ज महानगरको रोहबरमा उपलब्ध गराउने र सोको अनुगमन तथा नियमन महानगरपालिकाले नै गर्ने र महानगरपालिका नियन्त्रणमा रहेको मल फिर्ता गर्ने सहमती भएको सहमती पत्रमा उल्लेख छ ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।