बीरगंज १० बैशाख ।
पर्साको जिराभवानी गाउँपालिकामा राहत वितरणको विषयमा स्थानीय र सशस्त्र प्रहरीबीच झडप भएको छ । राहत बितरणमा ढिलाई भएको भन्दै बैशाख १० गते करिब ३ सयको संख्यामा दलित, विपन्न वर्गका महिला बालबालिका र पुरुषहरु दिउसो गाउँपालिकको कार्यालय घेराउ गर्न पुगेका थिए । सोही क्रममा झडप भएको हो  ।

झडपमा कृपा दैनीकका सम्वाददाता ३२ वर्षिय कृष्ण मोहन साह सहित सात जनासामान्य घाइते भएका छन । उनीहरु  स्थानीय स्वास्थ्य चौकमा उपचार पछि घर फर्किएका छन ।

राहत वितरणमा ढिलो भएको भन्दै गाउँपालिका कार्यालय पुगेका स्थानीयले आक्रोशमा आएर ढुंगामुढा गर्न थालेपछि सशस्त्र प्रहरीले रोक्दा झडप भएको गाउँपालिकाकी उपाध्यक्ष उषा देवी थारुले बताउनु भयो  । लकडाउनका कारणले प्रभावितका लागि राहत वितरणका लागि प्रदेश सरकारले गाउँपालिकामा १० लाख रुपैयाँ पठाएको छ।

तर प्रदेश सरकारबाट आएको १० लाख रुपैयाले अपुग भएपछि रकम थप गर्ने विषयमा प्रकृयामा लाग्दा राहत वितरणमा ढिला हुन पुगेको उपाध्यक्ष थारुको भनाई छ  । राहत बोकेर आउदै गरेको गाडी बाटोमै थियो थारुले भन्नु भयो “गाडी नआइपुग्दै दःखद घटना भयो । 

बुधबार साँझसम्म राहतका सबै सामान आइ पुग्ने र बिहिबार देखि सबै वडामा राहत वितरण गरिने उहाँले बताउनु भयो ।
वडा नम्बर २ का वडाध्यक्ष महादेव महत्तो थारुले राहत वितरणका लागि कार्यालयमा गाँउपालिका अध्यक्ष, उपाध्यक्ष र वडा अध्यक्षहरुबीच छलफल भइरहेका बेला आक्रोशित स्थानीयले ढुंगामुढा गर्न थालेपछि स्थिति तनावग्रस्त बन्न पुगेको बताउनु भयो ।
स्थानीयले ९ ओटा सरकारी र प्राभेट गाडीहरू तोडफोड समेत गरेका छन ।

ना १ ब ३५७८ ना १ ब ३५८८, ना १ ब ३५८६, ना १ ब ३५८७, ना २२ प २४३०,ना ५५प ६४९४,ना ३५ प २३९ गाउँपालीकामा रहेका जेसीबी र रोलर फर्निचर लगाएत समेतमा पनी तोडफोड भएको वार्ड नम्बर दुई का वडाध्यक्ष महादेव महतो थारुले बताउनु भयो ।यसैवीच गाउँपालिकामा वडा  नं. ३ वाहेक अन्य वडामा राहत वितरण सम्पन्न भएको छ । गाउँपालिकाको वडा नं. १, २, ४ र ५ मा पहिलो चरणको राहत वितरण सम्पन्न भएको निमित प्रमुख प्रशासकिय अधिकृत मुन्ना कुमार रौनियारले वताउनु भयो  ।

राहतमा चामल २० किलो, दाल एक किलो, नुन एक किलो, आलु ५ किलो, प्याज २ किलो र तोरीको तेल एक किलो वितरण गरिएको प्रशासकिय अधिकृत रौनियार जानकारी दिनु भाये  । रौनियारका अनुसार एउटा वडामा एक सय ३५ घरदुरी गरी ६ सय ७५ घरदुरीलाई राहत वितरण गर्नु पर्नेमा हाल सम्म ५ सय ४० घरधुरीलाई राहत वितरण गरिएको छ ।

५ वटा वडा रहेको गाउँपालिकामा वडा नं. ३ वाहेक सबै वडामा राहत वितरण भइसकेको छ । प्रदेश सरकारले उपलब्ध गराएको १० लाख रुपैया बाट पहिलो चरणको राहत बितरण भएको रौनीयारले बताउनु भयो ।

कोरोना भाइरस (कोभिड १९) संक्रमण रोकथाम तथा नियन्त्रको लागि भएको लकडाउनमा समस्यामा परेका अति गरिब र विपन्न परिवारलाई मात्र पहिलो चरणको राहत वितरण गरिएको लेखा अधिकृत मिथिलेश कुशवाहाले वताउनु भयो । गाउँपालिकाबाट दोस्रो चरणको राहत विरतणको लागि सामग्री खरिद पक्रिया समेत अगाडी बढी सकेको उहाँले जानकारी दिनु भयो ।