बीरगंज १० बैशाख ।
 कोरोना भाइरस (कोभिड १९) को संक्रमण सार्क राष्ट्रमा पनि ह्वात्तै बढेको छ । पछिल्लो २४ घण्टामा सार्कमा मात्रै २ हजार ७ सय ४९ जना नयाँ संक्रमित फेला परेका छन् । यो सँगै सार्कमा कोरोना संक्रमितको संख्या ३४ हजार ५ सय ६३ पुगेको छ ।

भारतमा ज्यान गुमाउनेको सख्या ६४५ पुग्यो

सार्क राष्ट्र मध्ये सबैभन्दा ठुलो देश भारतमा हालसम्म कोरोना संक्रमणबाट ६४५ जनाको ज्यान गएको छ । पछिल्लो २४ घण्टामा भारतमा ५३ जनाले ज्यान गुमाएका छन् ।

भारतमा यो समाचार तयार पार्दासम्म कोरोना संक्रमितको संख्या २० हजार २ सय ७२ पुगेको छ । पछिल्लो २४ घण्टामा मात्रै भारतमा १हजार ५सय ४१ जना संक्रमित थपिएका हुन् ।भारतमा बुधबार बिहानसम्म ४ लाख ४७ हजार ८ सय १२ जनाको कारोना टेष्ट गरिएको छ। भारतमा महाराष्ट्र गुजरात दिल्लीमा यो संख्या तिब्र बढदो छ । 

पाकिस्तानमा २०१ को मृत्यु

कोरोना भाइरसको संक्रमण भारतपछि पाकिस्तानमा देखिएको छ । पाकिस्तानमा बुधबार बिहानसम्म २०१ संक्रमितको ज्यान गएको छ। पछिल्लो २४ घण्टामा पाकिस्तानमा २५ संक्रमितले ज्यान गुमाएका छन् ।

हालसम्म पाकिस्तानमा कोरोना संक्रमितको संख्या ९ हजार ५ सय ६५ पुगेको छ।  मंगलबार मात्रै पाकिस्तानमा ६७३ जना नयाँ संक्रमित थपिएका हुन्। पाकिस्तानमा पछिल्लो अपडेट अनुसार १,लाख 
 ११ हजार  ८ सय ६ जनाको कोरोना टेष्ट गरिएको छ।

बंगलादेशमा ह्वात्तै बढ्यो कोरोना संक्रमण

 कोरोना भाइरसबाट बंगलादेशमा पछिल्लो २४ घण्टामा मात्रै ४ सय ३४ जना संक्रमित व्यक्ति फेला परको छन् ।

यो सँगै बंगलादेशमा कोरोना संक्रमितको संख्या ३ हजार ३ सय ८२ पुगेकको बंगलादेशी सञ्चारमाध्यमहरुले जनाएका छन्। संक्रमितमध्ये १ सय १० जनाको उपचारका क्रममा ज्यान गएको छ भने ८७ जना संक्रमित उपचारपछि घर पर्किएका छन्।

मंगलबार मात्रै बंगलादेशमा ९ जना संक्रमितको ज्यान गएको छ। बंगलादेशमा हालसम्म २९ हजार ५ सय ७८ कोरोना परीक्षण गरिएको छ।

श्रीलंकामा संक्रमण स्थिर

सार्कको अर्को सदस्य राष्ट्र श्रीलंकामा कोरोना भाइरसको संक्रमण स्थिर छ । श्रीलंकामा बुधबार बिहानसम्म ३ सय १० जना मानिस कोरोना भाइरसका संक्रमित भएका छन् । जसमध्ये ७ संक्रमितको ज्यान गएको छ।

श्रीलंकामा पछिल्लो २४ घण्टामा ६ जना संक्रमित फेला परेका छन् । श्रीलंकामा हालसम्म ६ हजार ७ सय ९३ जनाको मात्रै कोरोना परीक्षण भएको छ।

अफगानिस्तानमा ३६ को ज्यान गयो

अफगानिस्तानमा कोरोना संक्रमित १ हजार ९२ जना पुगेका छन् । पछिल्लो २४ घण्टामा मात्रै अफगानिस्तानमा ६६ जना संक्रमित थपिए । संक्रमितमध्ये हालसम्म ३६ जनाको ज्यान गएको छ। १५० जना संक्रमित उपचरापछि घर फर्किएका छन् ।

अफगानिस्तानमा ६ हजार ४ सय २२ जनाको मात्रै कोरोना टेष्ट भएको छ ।

भुटान थप एक जना संक्रमित

छिमेकी मुलकु भुटानमा थप एक जना कोरोना संक्रमित फेला परेका छन् । भुटानमा यसअघि ५ जना संक्रमित मध्ये दुइ जना उपचारपछि घर फर्किसकेका छन् ।

भुटानमा हालसम्म ८ हजार ७ सय ६५ जनाको कोरोना टेष्ट गरिएको छ ।

नेपालमा एकै दिन ११ जना संक्रमित फेला

सार्कको अध्यक्ष रहेको राष्ट नेपालमा पनि कोरोनाको जोखिम बढ्दै गएको छ । पछिल्लो २४ घण्टामा नेपालमा ११ जना नयाँ संक्रमित फेला परेका छन् । यो सँगै नेपालमा कोरोना संक्रमितको संख्या ४२ पुगेको स्वास्थ्य विभागले जनाएको छ।

संक्रमित मध्ये ५ जना उपचारपछि घर फर्किसकेका छन् भने अन्यको विभिन्न अस्पतालमा उपचार जारी छ । हालसम्म नेपालमा २९ हजार ५ सय ६७ जनाको कोरोना परीक्षण गरिएको छ।

माल्दिभ्समा १७ संक्रमित थपिए

सार्क राष्ट्रको सबैभन्दा सानो मुलुक माल्दिभ्समा मंगलबार १७ जना नयाँ कोरोना संक्रमित फेला परेका छन् । यो सँगै माल्दिभ्समा कोरोना संक्रमितको संख्या ८६ पुगेको छ। संक्रमित मध्ये १६ जना उपचारपछि घर फर्किसकेका छन् भने अन्यको उपचार जारी छ ।

माल्दिभ्समा हालसम्म ४ हजार १ सय ३९ जनाको कोरोना परीक्षण गरिएको छ।

यस्तै, विश्वका २१० देश र दुई वटा अन्तराष्ट्रिय पानी जहाजमा फैलिएको कोरोना भाइरस ९कोभिड–१९० को संक्रमणबाट २५ लाख ५७ हजार ५०४ जना संक्रमित भएका छन् । संक्रमितमध्ये १ लाख ७७ हजार ४ सय ५९ जनानको ज्यान गएको छ ।