काठमाण्डौको मेयरमा बालेन्द्र साहले अभूतपूर्व बिजय दर्ज गरेका छन । उनले ६१ हजार ७ सय ६७ मत ल्याएर आफना प्रतिद्वण्दी भन्दा २३ हजार ४ सय २६ मतको अन्तरले भब्य जित निकालेका हुन ।

र्‍यापर तथा स्ट्रक्चरल इन्जिनियर साहले ठुलो जनाधार र संगठन भएका नेपाली कांग्रेस र नेकपा एमाले जस्ता दलका उम्मेदवारलाई हराउदै कामठमाण्डौको मेयर जितेका हुन ।

मत परिणाम अनुसार बालेनले कुल मत ६१७६७ ल्याएका छन् । दोस्रो स्थानमा रहेकी कांग्रेस उम्मेदवार सिर्जना सिंहले ३८३४१ भोट ल्याइन् । एमालेका उम्मेदवार केशव स्थापित ३८११७ मतका साथ तेस्रो स्थानमा रहे ।

अर्का स्वतन्त्र उम्मेदवार सुमन सायमीले पनि १० हजार भोट कटाउन सफल भए । १३७७० भोटका साथ उनी चौथो स्थानमा छन् भने राप्रपाका मदनदास श्रेष्ठ ५७७० मत ल्याएर पाँचौ स्थानमा रहेका छन् ।

मेयरमा जितेका बालेन काठमाडौंको वडा नम्बर ९ को स्थायी बासिन्दा हुन् । उनी तीनकुने, गैरिगाउँमा बसोबास गर्छन् । बालेनको पुरानो घर भने महोत्तरी जिल्लामा छ । काठमाडौंको मेयर बन्ने उनी पहिलो मधेसी युवा हुन ।

०६३ को शान्तिपूर्ण परिवतन पछि उठेको पहिचानको आन्दोलनले तिब्र रुपमा जाति भाषा क्षेत्रको रुपमा राजनीतिलाई ध्रुबीकरण गरेको थियो ।

मधेशमा पहाडका मान्छेले चुनाव जित्ने कुरा र पहाडमा मधेशका मान्छेले चुनाव जित्ने कुरा कठिन हुन्छ की भन्ने वतावरण बनेको थियो ।

तर संबिधानको जारी भइसकेपछि बिस्तारै यो न्यारेटिभ परिर्वतन हुदै आएको छ । मधेश आन्दोलनको इपिसेन्टर बीरगंजमा २३ हजारकै मतान्तरमा राजेशमान सिंहको जित काठमाण्डौमा बालेन्द्र साहको जितले मधेशी पहाडी वा अन्य जात जाति भाषा भाषी र क्षेत्रको भन्ने “न्यारेटिभ”लाई परिर्वतन गर्न मद्धत मिलेको छ ।

काठमाण्डौमा मधेशीलाई चुनाव जित्न दिदैन भन्ने रटान अव भने बालेको बिजयसंगै मिथ्या सावित भएको छ । बालेनको जितले कुनै जाति बिशेष सम्प्रदाय बिशेष क्षेत्र बिशेष होइन जनताको मनको प्रतिनिधित्व गर्न सक्ने मान्छे कही पनि जित्ने र स्थापित हुन सक्ने सिद्ध गरेको छ ।

यसले स्वीकारोक्तिको सीमित घेराको बारेमा चर्चा गर्ने राजनीतिक “स्टन्ट” अन्त्य गरेर जनको मनमा हुने जित्ने कुरा स्थापित गरेको छ । नपालको राजनीतिको यो सबे भन्दा सुरन्दर पक्ष भएको बिश्लेषण गर्न थालिएको छ ।

नेकपा एमालेकी सुनिता डंगोल काठमाडौं महानगरको उपमेयरमा निर्वाचित बनेकी छन् । भारी मतान्तरसहित उनले गठवन्धनका उम्मेदवार रामेश्वर श्रेष्ठलाई पराजित गरिन् ।

सार्वजनिक गरिएको मत परिणाम अनुसार उपमेयरमा सुनिताले ६८६१२ मत ल्याएकी छन् । पराजित उम्मेदवार श्रेष्ठले २३८०६ मत प्राप्त गरे ।

सुरुमा काठमाडौंको मेयरमा स्वतन्त्र उम्मेदवारी दिने तयारी गरेकी सुनितालाई पछि एमालेले उपमेयरको टिकट दिएको थियो । उनी नेवारी भाषा, संस्कृतिको प्रवर्द्धनमा सक्रिय अभियन्ता हुन् । साथै, सन् २०११ कि मिस नेवा हुन् ।