logo

कांग्रेस कार्यकर्ता चोर्दै जसपा , गठबन्धनमा खैलाबैला

 इसीमाना सम्वाददाता     २०७९ बैशाख २४ गते ०३: ४२ मा प्रकाशित     1701   पटक पढिएको

 प्रतिगमनलाई परास्त गर्न भन्दै गठबन्धन गरेका पाँच दलीय घटकमध्ये एक घटक जनता समाजवादी पार्टीको गतिविधिले वीरगन्ज महानगरपालिकामा गठबन्धनका अन्य दलहरुलाई सशंकित बनाएको छ ।


जसपाले गठबन्धनमा आवद्ध दलका कार्यकर्तालाई नै धमाधम आफ्नो पार्टीमा प्रवेश गराउन थालेपछि गठबन्धनका अन्य दल जसपाप्रति असन्तुष्ट बनेका हुन् । गठबन्धनका मेयरको उम्मेदवार पाएको जसपाले सबैभन्दा ठूलो राजनीतिक हैसियतको कांग्रेसका कार्यकर्तालाई छानीछानी भित्र्याएपछि कांग्रेसका नेता कार्यकर्ता क्रुद्ध बनेका छन् । गठबन्धनबाट वीरगञ्ज महानगरको मेयरमा जसपाका राजेशमान सिंह मेयरको उम्मेदवार छन् ।


कांग्रेसका कार्यकर्ताहरुले यो असन्तोषलाई सामाजिक सञ्जालमा पोख्न थालेका छन् । कांग्रेसका युवा नेता दिलीपराज कार्कीले जसपाले कांग्रेस कार्यकर्तालाई भित्र्याएकोप्रति रोष प्रकट गरेका छन् ।


‘होइन हामीले गठबन्धन गरेर जिताइदिनु पर्ने अनि हाम्रै कांग्रेसी साथीलाई गठबन्धनले पार्टी प्रवेश गराउने,’ उनले आफ्नो फेसबुक पेजमा लेखेका छन्, ‘यो व्यवहारले घाटा हुन्छ है घाटा नेता र उम्मेदवारले यसलाई चेतावनी सम्झेर सच्याउन अनुरोध गर्दछु ।’


कांग्रेसका नेता देवप्रकाश पटेलले पनि फेसबुकमै लेखेका छन्, ‘यदि तिमीहरुले भोटरलाई पार्टी प्रवेश गराउन शुरु ग¥यौ भने चुनावको मिति कम्तीमा १ महीना पछि सानर्् पर्दछ ।’ कांग्रेस निकट मजदूर नेता जयमंगल कापरले फेसबुक पेजमा आफ्नो असन्तोष यसरी पाखेका छन्, ‘पर्सा जिल्लामा नेपाली कांग्रेस र जसपाको गठबन्धनमा एकले अर्कोमाथि विश्वास गर्ने वातावरण छैन ।’


नेपाली कांग्रेस, जनता समाजवादी पार्टी, नेकपा माओवादी केन्द्र, नेकपा एकीकृत समाजवादी र राष्ट्रिय जनमोर्चाबीच देशभर गठबन्धन गरेर निर्वाचन लड्ने भनिए पनि ६ वटा महानगरपालिकाको मेयर र उपमेयर, ११ वटा उपमहानगरपालिकाको मेयर र उपमेयरबाहेक अन्य पदमा तालमेल गरिएको छैन ।


वीरगन्ज महानगरपालिकामा नेपाली कांग्रेस र जनता समाजवादीमा ठूलो खिचातानीपछि जनता समाजवादी पार्टीले महानगर प्रमुखको भाग पाएको छ । कांग्रेसले मेयर पदमा जसपाको उम्मेदवारलाई स्वीकार गरेपछि अहिले जसपाले दम्भ देखाइरहेको कांग्रेसीहरु बताउँछन् ।


त्यसकै निरन्तरताको रुपमा पार्टी प्रवेश गराई रहेको छ । जनता समाजवादी पार्टी पर्साले गठबन्धनलाई नै धोका दिने गरी पार्टी प्रवेशलाई निरन्तरता दिएको छ । गठबन्धनमा मेयर र उपमेयर साझा उम्मेदवार हुन् ।
जसपाले कांग्रेसलगायतका अन्य दलका नेता कार्यकर्ताहरुलाई नै जसपामा प्रवेश गराएर नेपाली कांग्रेससहितका पार्टीका नेता कार्यकर्ताहरुको सांगठनिक इमान्दारितामा प्रहार गरेको छ ।
गठबन्धनमा जसपाले मेयरको भाग पाएपछि नै रुष्ट बनेको नेपाली कांग्रेस पर्साले गठबन्धनप्रतिको अन्तरपार्टी सामाञ्जस्यता क्रमिक रुपमा मिलाउदै लगरिरहेको अवस्थामा जनता समाजवादी पार्टीले भने पार्टी प्रवेशलाई निरन्तरता दिएर गठबन्धनबीचको सौहार्द्रतालाई बिगार्न खोजेको गठबन्धनभित्रै नेताहरुले बताउन थालेका छन् ।


पार्टी नेतृत्वले गलत गरेको भन्दै रुष्ट रहेका नेता कार्यकर्ताहरुलाई नेतृत्वले विस्तारै गठबन्धनको आवश्यकता र औचित्यको बारेमा प्रष्ट पार्दै निर्वाचनमा गठबन्धनको जितलाई सुनिश्चित गर्न लागिरहेको अवस्थामा जसपाका जिम्मेवार मानिने नेता प्रदीप यादव जताततै पार्टी प्रवेश गराउँदै हिडेका छन् ।


यसले गठबन्धनप्रति उनको विश्वासमा शंका पैदा गरेको छ । राजनीतिमा रणनीति निकै महत्वपूर्ण मानिन्छ । रणनीतिक चातु¥र्यताले निकै प्रभाव पार्छ । कुनै बेला संघीय समाजवादी फोरम नेपालका प्रदीप यादव र राष्ट्रिय मधेस समाजवादी पार्टीका राजेशमान सिंहबीच राजनीतिक प्रतिष्ठाको लडाई हुने गरेको थियो ।


त्यो तिक्तता अझै पनि पूर्ण रुपमा मेटिएको छैन । संघीय समाजवादीबाट निर्वाचन जितेका विजयकुमार सरावगीलाई काम नै गर्न नदिएर सम्बन्ध बिगारेका प्रदीप यादवले सरावगीको बर्हिगमनपछि अहिले कुनै बेला अस्तित्व स्वीकार नगरेका राजेशमानलाई मेयरको उम्मेदवार बनाएर भोट माग्दै हिडेका छन् ।


यादवले आफ्नो प्रभुत्व कायम राख्नका लागि गठबन्धनलाई नै चुनौती दिइरहेका छन् । संघीय समाजवादीबाट मेयरमा निर्वाचित सरावगीलाई नै पार्टीमा बस्ने ठाउँ नदिएर बाहिरिन बाध्य बनाएका यादवले प्रतिगमनको विरुद्ध लडाई लड्न गठबन्धन गरेको औचित्व पुष्टि गर्ने इमान्दार प्रयास हुनुपर्ने ठाउँमा जसपामा आकर्षण बढेको देखाउनका लागि गठबन्धनको मर्म र भावना बिपरित पार्टी प्रवेश गराएको भन्दै सहयात्री दलले चित्त दुखाउन थालेका छन । यस्तो कामले गठबन्धनका उम्मेदवारलाई नै कमजोर बनाउने काम भएको गठबन्धनका नेताहरुभित्र चर्चा हुन थालेको छ ।


व्यक्तिले विचार र दल रोज्न पाउने वैयत्तिक अधिकार हो । तर, विषम परिस्थितिमा त्यसको फाईदा लिनु भनेको राजनीतिक बेईमानी नै भएको गठबन्धनका नेताहरुले भन्न थालेका छन् ।

तपाईं हामीसंग फेसबुकट्वीटर मार्फत् पनि जोडिन सक्नुहुन्छ ।

तपाईको प्रतिक्रिया

सम्बन्धित शीर्षकहरु




सीमापारी/अन्तराष्ट्रिय

उत्तर कोरियाका पांच उद्योगहरुमा अमेरिकी प्रतिवन्ध

अमेरिकाले उत्तर कोरियाका पांच उद्योगहरुमा प्रतिबंध लगाएको छ । उत्तर कोरियाले अंतरमहाद्वीपीय बैलिस्टिक मिसाइल (आइसीबीएम) समेत विभिन्न मिसाइलको परिक्षण गरेको बिषयलाई लिएर अमेरिकाले यस्तो कदम उठाएको हो ।

भारतमा कोरोना संक्रमणका कारण ५ लाख ब्यक्तिको मृत्य बिश्वभर ५७ लाखले ज्यान गुमाए

भारतमा कोरोना भाइरसको संक्रमणका कारण ज्यान गुमाउनेको संख्या ५ लाख भन्दा बढी भएको छ ।

माओवादी आन्दोलनका पेरुभियाली कमाण्डर क.गोन्जालोको निधन

 पेरूको कम्युनिष्ट पार्टी साइनीङ पाथका प्रमुख नेता पेरुको जनवादी क्रान्तिका कमाण्डर अबिमाइल गुज्मान गोन्जालोको ८६ वर्षको उमेरमा निधन भएको छ ।

कश्मीरमा अवस्था सामान्य छ भन्ने सरकारी दावी झूठो रहेको पीडीपी अध्यक्ष  मुफ्तीको भनाई

पीपुल्स डेमोक्रेटिक पार्टी (पीडीपी) की अध्यक्ष महबूबा मुफ्तीले मंगलवार आफूले नजरबन्दमा राखिएको बताएकी छिन ।

आधा आकाश

प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल

आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ

दाइजो बिरोधी अभियान चलाउन पीडितको नाममा प्रतिष्ठानको गठन

दाइजो प्रथाको न्यूनीकरणकोलागि काम गर्न एक प्रतिष्ठान निर्माण गरिने भएको छ

समाज

स्वतन्त्र पत्रकारितामाथि नै गम्भीर प्रश्न उठ्योः काउन्सिल

प्रेस काउन्सिल नेपालले निर्वाचनका समयमा पत्रकार तथा पत्रकारसम्बद्ध सङ्घ संस्थाका गतिविधिले स्वतन्त्र पत्रकारितामाथि नै गम्भीर प्रश्न उठेको जनाएको छ ।

पहलको पहलमा दुई महिला सहित २४६ जनाद्वारा रक्तदान

वीरगन्ज कारागारका २२६ जना कैदीबन्दीहरुले रक्तदान गरेका छन् । कारागार भित्रै शनिबार आयोजना गरेको कार्यक्रममा दुईजना महिला सहित २२६ जनाले रक्तदान गरेका हुन् ।

खेलकुद

वीरगञ्जमा अन्तर्राष्ट्रिय तेक्वान्दो प्रतियोगिता शुरु

वीरगञ्जमा पहिलो पटक अन्तर्राष्ट्रिय तेक्वान्दो प्रतियोगिता शुरु भएको छ । प्रतियोगिताको मधेश सरकारका उर्जा तथा खानेपानी मन्त्री ओमप्रकाश शर्माले उद्घाटन गर्नु भयो । प्रतियोगितामा नेपाल, भारत र बंगलादेशका गरी १३ वटा टिम सहभागीता रहेको छ ।

जीतपुरसिमरा गोल्डकपको उपाधी एनआरटीलाई

जगदम्बा १२औं जीतपुरसिमरा गोल्डकपको उपाधी न्युरोड टिम (एनआरटी) ले उचालेको छ । सिमरा रंगशालामा शनिवार भएको खेलमा विभागिय टिमलाई ५ /० को फराकिलो गोलअन्तरले पराजित गर्दै एनआरटीले उपाधी उचालेको हो ।
सम्पादक

कृष्णचन्द्र लामिछाने

९८५५०२२४९७

बिरगंज १४, पर्सा

सम्पर्क

सीमाना मिडिया प्रा.लि.
बिरगंज १४, पर्सा
सि.न.दर्ता प्रमाणपत्र नं.१८४०/०७६/७७/

info@simana.com, news@esimana.com


© 2021 Simana Media Pvt. Ltd.

Design and Development by Cyberlink Pvt. Ltd.