नेकपा (एकीकृत समाजबादी) लाई गठबन्धनमा बसेर अपमान नसहन कार्यकर्ताको दवाव बढेको छ । कार्यकर्ता पंक्ति भने जसपा र कांग्रेसमा घमण्ड पलाएकोले त्यो घमण्ड तोडनु पर्ने निष्कर्षमा पुगेका छन । गठबन्नधको अपमान सहेर त्यसमा बस्नुको साटो आफ्नो जनमतको बैकल्पिक ब्यस्थापनमा लाग्न समेत नेताहरूलाई कार्यकर्ताले दवाव दिएका छन ।

समाजवादी र माओवादीकाmलागि बीरगंज महानगर र पर्सा जिल्ला गठबन्धन भन्दा पनि “ठगबन्धन” भएको छ । पर्साको कुनै स्थानीय तहमा जसपा र नेपाली कांग्रेसले सहयात्री दल माओवादी र समाजवादीलाई कुनै पदमा सघाउने निर्णय भएको छैन ।

एउटा सदस्य समेत नपत्याए पछि नेकपा एकिकृत समाजवादीका स्वाभिमानी कार्यकर्ताले पार्टी नेतृत्वलाई नेतृत्व ल्याकतमै समस्या देखाएका छन ।

एकिकृत समाजवादीको नेतृत्वको आफूले हुकाएको बिकास गरेको आफनै रगत पसिनाबाट निर्माण भएका पार्टी नेकपा एमालेलाई हराउने एक सुत्रिए अभियान छ । कांग्रेस र जनता समाजवादी पार्टीले यही बुझेर होला एकिकृतलाई एक ठाउमा पनि सघाउने रुची देखाएन ।

माओवादीले ठोरीमा प्रतिस्पर्धा गर्दैछ तर नेपाली कांग्रेस जसपाले त्याहा पनि माओवादीसंग संगै आफना उम्मेदवारहरु मैदानमा उतारेर माओवादीको वास्तविक हैसियत माथि प्रश्न उठाएको छ ।
एकिकृत समाजवादीको कार्यकर्ता पंक्तिले अपमानको बिरुद्ध बिद्रोहको उदघोष गरिरहदा माओवादी केन्द्रको भने संयुक्त घरदैलोको समाचार सार्वजनीक भइरहेको छ ।

नेकपा एकिकृत समाजवादीले वीरगंज महानगर भित्रका विभिन्न वार्डका उम्मेदवारहरुको भेला सम्पन्न गरेको छ । पार्टीको महानगर कमिटीद्वरा आयोजित उम्मेदवारहरुको भेलाले बर्तमान गठबन्धन प्रती आपती नै जनाएको छ ।

वीरगंज महानगरमा केन्द्रिय निर्णय बमोजिम बनेको चार दलिय गठबन्धन मध्येका दुई दल जसपा र नेपाली कांग्रेस एक पक्षीय ढंगले अगाडि बढेको निष्कर्ष निकाल्दै भेलाले बर्तमन गठबन्धन प्रती आपती जनएको हो ।

मेयर र उपमेयरका प्रत्यासीहरुले गठबन्धनमा सामेल दलका उम्मेदवारसंग समन्वय नगरि आ आफ्ना दलका प्रत्यासीहरुसंग घर दैलो गर्न थालेपछि एकिकृत समाजवादीका उम्मेदवारहरुले गठबन्धनको औचित्य माथि सवाल उठाएका हुन ।

गठबन्धनमा सामेल नेपाली कांग्रेसलाई उपप्रमुखमा र जसपालाई मेयर अन्य दलले सघाउनु पर्ने तर ति दुबै पार्टीले गठबन्धनमा सामेल अन्यदलका उम्मेदवारहरुलाई जिल्ला भरि कही पनि सघाउनु नपर्ने अपमानपूर्ण गठबन्धनलाई उनीहरुकोले “ठगबन्धन” संज्ञा दिदै गठबनधनका उम्मेदवारहरुलाई मत दिन आफूहरु बाध्य नभएको पार्टी नेतृत्वलाई जानकारी गराएका छन ।

बीरगंजको ३२ वटै वडामा नेपाली कांग्रेस र जसपाले आफना उम्मेदवार उठाएका छन । अन्य दललाई कही पनि सहयोग गर्ने गरि गठबन्धनमा निर्णय भएको छैन । सबै दलको शक्तिको अध्ययन गरेर राजनीति निर्णय लिने गरि गठबन्धनका दलले एउटा संयन्त्र बनाएको भएपनि त्यसले समेत अन्य दललाई समेटन सक्ने गरी काम गर्न नसकेको स्रोतले जनाएको छ ।

वीरगंज महानगर कमिटीका अध्यक्ष मनोज चौधरीको अध्यक्षता भएको भेलाले गठबन्धनको नाममा अपमान सहेर गठबन्धनको पछ्लगुवा नबन्ने समेत निर्णय गरेको छ ।

भेलामा पार्टीको पोलिटब्युरो सदस्य एवं वीरगंज महानगर इन्चार्ज चिरञ्जीवी आचार्य, जिल्ला अध्यक्ष बालगोपाल थापा, वीरगंज महानगरका उपाध्यक्ष मन्जुर आलम, सचिव बृजलाल पासवान, युवा संघ पर्साका इन्चार्ज अनिल पटेल लगाएतको उपस्थिति रहेको थियो ।