बीरगंज महानगरपालिकाको प्रमुख पदमा सोमवार १२ जनाले उम्मेदवारी दर्ता गरएका छन । उम्मेदवारी दर्ता गराएका मध्य नेपाल मजदुर किसान पार्टीबाट गोकर्ण प्रसाद कोइरी र नेपाल सदभावना पार्टीबाट बिजय कुमार रौनीयारले उम्मेदवारी दिएका छन ।

अन्य ९ जना भने स्वतन्त्र उम्मेदवार हुन । स्वतन्त्र उम्मेदवार मध्य बीरगंज महानगरपालिकाको वडा नं २५ का २२ वर्षिय बिकासराज पटेल कान्छा उम्मेदवार हुन ।

२४ वर्षका दुई युवाहरु फिरोज आलम र राधेश्याम साह ३२ वर्षका कैलाश प्रसाद, ३३ वर्षका संजीव यादव र २५ वर्षका सगिर अली रहेका छन । ६४ वर्षका राजेन्द्र सिंह भूमिहार पनि स्वतन्त्र उम्मेदवार हुन । उनी सेवानिवृत शिक्षक हुन ।

यसैगरि पर्साको पकाहा मैनपुर गाउँपालिका अध्यक्षका लागि तीन जनाले उम्मेदवारी दिएका छन् ।
निवर्तमान अध्यक्ष बिजय चौरसियाले जनता समाजवादी पार्टी, ज्योति कुमारीले राष्ट्रिय प्रजातन्त्र पार्टीबाट तथा सुशासन पार्टीबाट प्रभु प्रसाद पटेलले उम्मेदवारी दर्ता गराएको निर्वाचन अधिकृत कृष्णप्रसाद देवकोटाले जानकारी दिए ।

०७४ सालको निर्वाचनमा संघीय समाजवादी फोरम नेपालबाट उम्मेदवारी दिएका चौरसिया १ हजार ७ सय ३५ मत ल्याएर निर्वाचित भएका थिए । त्यसैगरि जगरनाथपुर गाउँपालिकामा जनता सामाजवादीको तर्फबाट अध्यक्षमा कृष्ण मोहन यादव सहित प्यानलको उम्मेदवारी दर्ता भएको छ ।

जनमत पार्टीका तर्फबाट डा.चन्दन चौहानको नेतृत्वमा प्यानलकै उम्मेदवारी परेको निवर्चन आयुक्त चिन्तामणी शर्माले जानकारी दिनु भयो । त्यस्तै जिराभवानी गाउँपालिकाको वडा नं ३ वडाध्यक्ष सहित जसपाको प्यानल र वडा नं ३ मा वडाध्यक्ष सहित नेकपा एकिकृत समाजवादीको २ सदस्यको उम्मेदवारी दर्ता भएको निर्वाचन अधिकृत झविन्द्र प्रसाद पाण्डेले जानकारी दिनु भयो । त्यसैगरि सखुवा प्रसौनी गाउँपालिकामा नेपाल सुशासन पार्टीको तर्फबाट अध्यक्षमा बृजमोहन चौधरीका् उम्मेदवारी परेको छ ।

गाउँपालिकाको अध्यक्षमा सुरेन्द्र पासवान,महेश प्रसाद यादव,प्रदेशी महतो,फेकु थारु,मदुसुधन महतो थारु र रामबालक कुम्हालले स्वतन्त्र रुपमा उम्मेदवारी दिएका छन । ७ जनाले वडाध्यक्ष र अन्य तीन जनाले सदस्यमा उम्मेदवारी दिएको निर्वाचन अधिकृत डा.सूर्य प्रसाद पौडेलले जानकारी दिनु भयो ।

त्यस्तै बिन्दवासीनी गाउँपालिकामा लोकतान्त्रिक समाजवादी पार्टीको तर्फबाट अध्यक्षमा प्रमोद तिवारीको सेट सहितको उम्मेदवारी दर्ता भएको छ । तिवारी सेवा निवृत शिक्षक हुन । जनता समाजवादी पार्टीको तर्फबाट निर्वतमान अध्यक्ष श्रीलाल साह कानुको सेटकै उम्मेदवारी दर्ता भएको अरुण कुमार कोइरालाले जानकारी दिनु भयो ।

त्यस्तै धोविनी गाउँपालिकामा पत्रकार राजाकुमार पटेलले उपाध्यक्षमा उम्मेदवारी दर्ता गराएका छन । वडाध्यक्षमा एक जना र वडा सदस्यमा दुई जनाको उम्मेदवारी परेको निर्वाचन अधिकृत कैलाश दाहालले जानकारी दिनु भयो । बहुदरमाई नगरपालिकामा ३ जना वडाध्यक्षको मात्र उम्मेदवारी दर्ता भएको निर्वाचन अधिकृत कैलाश प्रसाद भट्टराईले जानकारी दिनु भयो ।

पोखरिया नगरपालिकामा राप्रपा बाट मेयरमा जीवनज्योती पासवान नेपाल सुशासन पार्टीको तर्फबाट मेयरमा शंकर राउत अहिर उपमेयरमा बिणादेवी, सहित ७ वटा वडाध्यक्ष सहित ३५ जनाको उम्मेदवारी परेको छ भने स्वतन्त्रमा मेयरमा धर्मराज यादव र उपमेयरमा जयकुमार रजकको उम्मेदवारी परेको निर्वाचन अधिकृत पदम बहादुर कार्कीले जानकारी दिनु भयो ।

ठोरी गाउँपालिकामा नेकपा एकिकत समाजवादी पार्टीको तर्फबाट गंगा बहादुर खड्काको अध्यक्षमा उममेदवारी दर्ता भएको निर्वाचन अधिकृत शिजवराज न्यौपानेले जानकारी दिनु भयो ।

निर्वाचन आयोगले उम्मेदवारी दर्ताकोलागि दुई दिनको समय तोकेको भएपनि पहिलो दिन उम्मेदवारी दर्ता नभएको देखिएको छ । राजनीतिक दलहरुले पालो पालो उम्मेदवारी दर्ताको भद्र सहमती गरेपनि कार्यान्वयनमा भद्र अवज्ञा गरेको एक निर्वाचन अधिकृतले टिप्पणी गर्नु भयो । दुई दिनकालागि मनोनयन दर्ताको समायवधी राख्नुको उद्देश्य सफल हुन नसकेको उहाँको टिप्पणी छ । पर्साको पर्सागढी नगरपालिकामा आज एक जनाको मात्र उम्मेदवारी पर्नुले पनि त्यही कुराको पुष्टि गर्दछ ।