काठमाण्डौ २७ चैत । 
भनिन्छ कालोबजारी गर्नेहरुको कुनै जात, धर्म  सम्प्रदाय हुँदैन । यो भनाईलाई पुष्टि गरे  शंकर ग्रुपका उपाध्यक्ष सुलभ अग्रवालले ।

मारवाडी समुदायको संस्थाले राहतमा थर्मल गन बितरणकालागि अग्रवालसंग किन्न खोजेको थियो  १५ हजार बाट एक पैसा तल झरेनन । 

चीनबाट २५ डलरमा झिकाएको कोरोना नियन्त्रण तथा रोकथामका इक्विपमेन्ट (थर्मल गन, पीपीइ) लगायत अग्रवालले १५ हजार रुपैयाँमा बिक्री गरेर कालोबजारी गरे ।

सरकारले चार्डर्ड गरेको चीन पठाएको बिमानमा सेटिंग मिलाएर निजी सामान ल्याउन सफल भएका अग्रवाल कालोबजारी गरेर धेरै पैसा कमाउने चक्करमा सक्रिय हुँदा नराम्रोसँग फसे ।

उनलाई राज्यले देशको प्रतिनिधित्व गरेर किर्गिजिस्तानको अवैतानिक दूत बनायो । दुत बापत पाउने सुविधा लिए । देशको इज्जत बढाउलान प्रतिष्ठा उच्चो होला भनेको यस्तो दुर्दानत काण्ड मच्चाए कि सरकारले अवैतनीक दुतहरुलाई दिने सबै  सुविधा खारेज गर्ने अवस्था आयो र खारेज गर्यो । 

राष्ट्र निर्माणमा सर्मित जगदम्बा भन्थे त्यसका मालिक राष्ट्र संकटमा पर्दा लुटनमा ब्यस्त रहे । अग्रवालको यो कालोबजारी काण्डले आम नेपालीलाई झस्काएको छ ।

सरकारले अवैतनीक दुत बनाएका सबै ब्यक्ति यस्ते त छैनन । सरकारले हिजोको मंत्रीपरिषद निर्णय बाट उनीहरुको सुविधा खारेज गर्ने निर्णय गरेपछि यो कुराले झनै बल पाएको छ ।

अग्रवाल त गत मंगलबार नीलो प्लेटको मोटरमा थर्मल गन कालोबजारी गरिरहेको बेला ठाउँको ठाउँ रंगेहात पक्राउ परेका थिए । कतिपय अवैतनिक दूतहरुले मुलुकको प्रतिष्ठा उच्च बनाउने काम गर्दै आएको भए पनि कतिपयले भने हदैसम्मको दुरुपयोग गर्दै आएका थिए । त्यसको नमुना बने अग्रवाल । 

सुलभले अवैतनिक दूतको हैसियतले लकडाउनका बेला चलाउन सकिने सवारी पास पनि हात पारेका थिए । जानकार स्रोतहरुका अनुसार केहीलाई छाडेर सबैजसो अवैतनिक दूतहरुले रातो पासपोर्ट समेत हात पारेका छन् ।

तर, सुलभले रातो पासपोर्ट हात पारेका थिए कि थिएनन् भन्ने स्पष्ट हुन सकेको छैन । कालोबजारी गर्दागर्दै रंगेहात पक्राउ परेका सुलभलाई छुटाउन नेपालका ठूलाठूला शक्तिकेन्द्रहरु लागिपरेका छन् । तर, प्रधानमन्त्री केपी ओली कालोबजारी गर्ने जो कसैलाई कडाभन्दा कडा कारवाही गर्ने अडानमा भएको स्रोतको दावी छ । 

अवैतनिक दूतहरुले राष्ट्रिय झण्डा समेत प्रयोग गर्न पाउँछन् । उनीहरुले अवैतनिक दूतको हैसियतले कार्यालय पनि राख्ने गरेका छन् । 

सुलभ कालोबजारीमा गिरफ्तार भएपछि प्रधानमन्त्री केपी ओलीले कूटनीतिक हैसियतको दुरुपयोग तत्काल छानविन गर्न परराष्ट्र मन्त्री प्रदीप ज्ञवालीलाई निर्देशन दिनु भएको थियो  ।

यही क्रममा सुलभको कूटनीतिक हैसियतको छानविन भएको बताइएको छ । अवैतनिक दूतको हैसियतमा अन्य अर्बपति व्यवसायीले पनि मर्यादा उल्लंघन गरेको पाइएको छ । यही कारण अवैतनिक दूतहरुलाई दिइएको सबै सुविधा खारेज गरिएको छ ।