मधेश प्रदेशमा मानव अधिकारका ७ सय घटना, बालिका र महिला उच्च जोखिममा

इसीमाना सम्वाददाता २०७८ फागुन ७ गते ०७: ४३ मा प्रकाशित 540 पटक पढिएको

मधेश प्रदेशमा २०२१ मा मानव अधिकार उलंघन र ज्यादतीको घटनामा साढे सात सय भन्दा बढी व्यक्ति पीडित भएका छन् ।

शनिवार अनौपचारिक क्षेत्र सेवा केन्द्र(इन्सेक)ले जनकपुरधाममा मानव अवधिकार वर्ष पुस्तक २०२२ सार्वजनिक गरेको छ । जस अनुसार २०७७ पुस १७ गते देखि २०७८ पुस १६ गतेसम्ममा ७ सय ५८ जना पीडित भएका छन् ।

इन्सेकका अनुसार २०२१ म मधेश प्रदेशको सिरहा जिल्लामा सबैभन्दा बढी मानव अधिकार उलंघन घटना अभिलेख गरिएको छ । सिरहामा अन्य पक्षबाट १३१ जना पीडित भए भने राज्य पक्षबाट समेत ५ जना पीडित भए ।

त्यस्तै धनुषामा १११ जना अन्य पक्षबाट पीडित भए भने १८ जना राज्य पक्षबाट पीडित भए । सर्लाहीमा अन्य पक्षबाट ६६ जना र राज्य पक्षबाट ४० जना, सप्तरीमा अन्यपक्षबाट ८९ र राज्यपक्षबाट ७, रौतहटमा अन्यपक्षबाट ८५ र राज्य पक्षबाट ६ जना पीडित भए ।

त्यस्तै पर्सामा अन्यपक्षबाट ८० र राज्यपक्षबाट १ जना पीडित भए भने महोत्तरीमा अन्यपक्षबाट ४५ र राज्य पक्षबाट एकजना पीडित भएका छन् ।

इन्सेकको मानव अधिकार वर्ष पुस्तक २०२२ अनुसार २०२१ मा मधेश प्रदेशमा बलात्कारको २ सय ३४ वटा घटना अभिलेख गरिएको छ । बलात्कारको घटनामा सबैभन्दा बढी बालबालिका पीडित भएका छन । एक वर्षमा १५६ जना बालिका बलात्कृत भएका छन ७८ जना महलिा बलात्कृत हुन पुगे ।

इन्सेकको तथ्यांक अनुसार मधेश प्रदेशमा एक वर्षमा ५ जनाको कारागारमा मृत्यु भएको हो । त्यस्तै ७३ जनाको हत्या भएको छ ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।