जगरनाथपुरमा ओली गर्जिने, पचास हजार नागरिक सहभागि गराउने एमाले तयारी, चौध लाखमा मंच निर्माण हुने

इसीमाना सम्वाददाता २०७८ मंसिर २३ गते ०९: ०१ मा प्रकाशित 844 पटक पढिएको

नेकपा एमालेका अध्यक्ष के.पी.शर्मा ओलीको पुष ८ मा पर्सामा आउने कार्यक्रमलाई ब्यवस्थित र भब्य बनाउन पर्सा एमाले तयारीमा जुटेको छ ।

पर्साको जगरनाथपुरमा आयोजना गरिने १० औ महाधिवेशनको सन्देश सभा तथा बृहत पार्टी प्रवेश कार्यक्रममा पार्टी अध्यक्ष के।पी.ओलीको सहभागिता रहने एमाले पर्साका अध्यक्ष प्रभू हजराले जानकारी दिनु भयो ।

एमालले जगरनाथपुरको सभामा ५० हजार नागरिकको सहभागिता गराउने तयारी गरेको छ । त्यसकोलागि ठोरी, जगरनाथपुर, पटेर्वा सुगौली, कालीकामाई ,धोविनी र छिपहरमाई तथा पोखरिया नगरपालिकामा बिशेष तयारी गरिएको छ ।

जगरनाथपुर गाउँपालिका अध्यक्ष तथा नेकपा माओवादी केन्द्रका केन्द्रीय सल्लाहकार जालीम मिया सहित दर्जन भन्दा बढी जनप्रतिनिधि र अन्य राजनीतिक नेता तथा कार्यकर्ता सोही कार्यक्रमबाट नेकपा एमालेमा प्रवेश गर्ने कार्यक्रम रहेको केन्द्रीय सदस्य समेत रहेका हजराले जानकारी दिनु भयो ।

पुष ८ गतेको आमसभाको तयारीकाबारेमा जानकारी गराउन हजराले बिहिवार बीरगंजमा सम्पादक प्रकाशक संग छलफल गर्नु भएको छ । छलफलका क्रममा उहाँले कार्यक्रमको सफलताको निम्ति संचार क्षेत्रलाई सहयोग गर्न आग्रह गनुृ भएको छ ।

सम्पादक प्रकाशकहरुले कार्यक्रममा बिषयमा बिभिन्न जिज्ञासाहरु राखेका थिए । जगरनाथपुरमा रहेको खेल मैदानमा कार्यक्रमको आयोजना गरिने र करिब १४ लाखको लागतमा मंचको निर्माण हुने उहाँले जानकारी दिनु भयो ।

सवारी साधनको पार्किङ सुरक्षा प्रवन्ध पिउने पानी र शौचालयको समेत प्रवन्ध गरिने उहाँले जानकारी दिनु भयो ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।