बीरगंज  १४ चैत। 
बीरगंज महानगरपालिकाका प्रमुख बिजय कुमार सरावगीले महानगर भित्र गरिव  असाय नागरिकलाई उनीहरुकै घर दैलोमा खाद्यन्नको ब्यवस्था गरिने बताउनु भएको छ ।

आफनो फेसबुक पेजमा आज एक सन्देश जारी गर्दै महानगर प्रमुख सरावगीले त्यसको लागि कार्यविधि पनि सार्वजनीक गर्नु भएको छ ।

खाद्य आवश्यकता भएका सीमान्तकृत नागरिकले सम्बन्धीत वडाध्यक्षलाई आफनो नाम दर्ता गराउनु पर्ने छ । दर्ता अनुसार प्राप्त भएको बिववरणको आधारमा बीरगंज महानगरपालिकाले अधिकृत स्तरको कर्मचारीको सहभागितामा र वडाध्यक्षको रोहवरमा सम्बन्धीत ब्यक्तिको घरदैलोमा खाद्य सामाग्री पु¥याउने कार्यविधि समेत सार्वजनीक गर्नु भएको छ । 

उहाँले बीरगंज महानगरपालिकाद्वारा बेला बेलामा  जारि गरिएका कोरोना (कोभिड १९) सक्रमणबाट बच्ने  उपायहरुको पालन गरि आफु, आफ्नो परिवार र सामाजलाई जोगाउन योगदान दिन समेत महानगरवासीसंग आग्रह गर्नु भएको छ ।

कोरोना संक्रमणको औषधी र उपचार छैन । संक्रमण फैलिन नदिनु नै उत्तम उपचार भएकोले महानगर प्रमुख सरवागीले महानगरवासीसंग कुनै पनि प्रयोजनकोलागि घर बाहिर निस्कदा व्यक्ति व्यक्ति बीच कम्तिमा ३ फिटको दुरी कायम गरिदिन अनुरोध गर्नु भएको छ ।

पसलका संचालकहरुलाई समेत ग्राहकरुको न्यूनतम दुरी ३ फिट हुने कुरा सुनिश्चित गर्न उहाँले आग्रह गर्नु भएको छ । उहाँले जुन पसलमा  भिडभाड हुन्छ त्यस्ता पसल बन्द गरि तथा पसल धनि र भिडभाड गर्ने ग्राहकलाई कानुन बमोजिम कारवाही गरिने समेतको जानकारी गराउनु भएको छ ।

एउटै कुरा पटक पटक आग्रह गर्नु पर्ने भएकोले महानगरले केही कडा ब्यवस्था गरेको छ । पसल संचालकको कारवाहीको बिषय पनि त्यही भएको प्रमुख सरावगीले बताउनु भयो ।

उहाँले चिकित्सकको पूर्जी लिएर मात्र औषधी किन्न बजारमा निस्कन,एक टोल एक वार्डका नागरिकअर्को टोल अर्को वडामा नजान,हरेक वडाका किराना पसलहरु बिहान ११ देखी दिउसो ३ बजे सम्म खोल्न,दुधको पसल बिहान ५ बजे देखि दिउसो ३ बजे सम्म,तरकारी पसल बिहान ५ बजे देखि बिहान ९ बजे सम्म खोल्न उहाँले अपिल गर्नु भएको छ ।

तरकारी पसलहरु खुल्ला ठाउँमा र ठेलामा संचालन गर्न नपाइने।तरकारीको बिक्रीवितरण पसल र सटरहरुबाट मात्र वा वडा अध्यक्षले निर्धारण गरेको ठाउँबाट मात्र संचालन गर्न पाइने उहाँले जारी गरेको सन्देशमा उल्लेख छ।

ग्यासको डिपो निर्वाद्ध रुपमा खोल्ने। ग्यास सिलिन्डर टोकन प्रणाली द्वारा वितरण गरिने र जनप्रतिनिधिको समन्वयमा ग्यासको बिक्रीवितरण गर्ने व्यवस्था मिलाउने महानगर प्रमुखले जारी सन्देशम उल्लेख गर्नु भएको छ । 
महानगर प्रमुख सरावगीले खाद्यन्न,तरकारी खरिद गर्न सवारी साधन प्रयोग नर्गन ,सर समान खरिद  गर्ने पसलमा भिड नगर्न थोक र खुद्रा तथा तरकारी बिक्रेताहरुलाई साँझ ६ बजे भित्र आफनो सामानको आपूर्ती गरिसक्न ,औषधी पसल खुला राख्न सन्देश मार्फत आग्रह गर्नु भएको छ ।

उहाँले सन्देश मार्फत नै  विदेश र बाहिर बाट आएका तथा कोरोना ९कोभिड १९० सक्रमणका शंकास्पद व्यक्तिको बारेमा सम्बन्धित वडाका जनप्रतिनिधि, स्वास्थ्य संस्था तथा प्रहरी प्रशासनलाई समयमै जानकारी गराउन हुन अनुरोध गर्नु भएको छ ।