बीरगंज ९ चैत । 
पर्साका क्षेत्र नं १ का सांसद प्रदीप यादवले आफनो फेसबुक स्टाटसमा आज दिउसो बीरगंजका खाद्य ब्यापारी शिव रुङगटामा कोमिड १९ को संक्रमण देखिएको र उहाँको पटनामा उपचार भइरहेको लेख्नु भयो ।

जनताबाट निर्वाचित साँसदले नै सामाजिक संजालमा स्टाटस लेखेपछि पत्रकारहरुकालागि त राम्रो सूचना हुनै नै भयो । समाचार बन्यो  । यता सामाजिक संजालमा पोष्ट गरिएको स्टाटस पाँच मिनेट पुग्दा नपुग्दै साँसद यादवले डिलिट गर्नु भयो ।

तर त्यही पाँच मिनेटमा अनेकौले कैयौं स्क्रिन सट गरि सकेका थिए । राती पौने १० बज्दा नबज्दै रुङटामा कोभिड १९ को संक्रमण नरहेको रिपोर्ट आयो । अनि साँसद जस्तो मान्छेले यस्तो हल्का फेसबुकबाजी किन गरे भन्ने प्रश्न उठन थाल्यो । साँसदको सूचना झूठो पनि भन्न र लेख्न समेत भ्याइयो ।

साँसद जो जनताको सुख दुःखको साथी हुनु पर्ने बिश्वब्यापी संकटकाल भेली रहेका आफना नागरिकमा आतंक सृजना गर्ने काम किन गरे ? यि यस्ता दअनेको प्रश्न उब्जे । हामीले साँसद यादवलाई यिनै प्रश्न राख्यौ । परिवारका सदस्यले नै मलाई त्यस्तो सूचना दिएको हुनाले भाइरसको संक्रमणबाट जोगिनकालागि सर्तकर्ता अपनाइयोस भन्ने उद्धेश्यले आफूले सामाजिक संजालमा लेखेको उहाँको भनाई छ  । बेलुका रिपोर्ट नेगेटिभ आयो नी भन्ने जिज्ञासा साँसद यादवले रिपोर्ट नेगेटीभ आकोले मलाईपनि राहत नै महशुस भएको छ उहाँले भन्नु भयो “मेरो उद्धेश्य संत्रास फैलाउने थिएन बच्ने उपायका बारेमा छलफल होस र त्यसलाई लागू गर्ने वतावरण बनेस भन्ने थियो । उहाँले नकारात्मक सहि केही न केही पूर्व तयारीकलागि सक्रिय हुने काम त्यो स्टाटसले गरेको उहाँको बुझाई छ । मैले नराखेको भएपनि हुन्थ्यो भन्ने लाग्यो र लगतै हटाए कहिले काही गरिने गल्तीले पनि ठिक परिणाम दिन्छ यसलाई त्यही रुपमा लिनु पर्छ जस्तो लाग्छ  उहाँले भन्नु भयो । 
बीरगंजका खाद्य ब्यवसायी शिव रुङटाको पटना स्थित अस्पतालमा भएको परिक्षण बाट उहाँमा कोभिड १९ को संक्रमण देखा नपरेको अर्थात नेगेटिभ रिपोर्ट आएको उहाँका भाई सुरेश रुङटाले जानकारी दिनु भएको छ । 

राजेन्द्र प्रसाद इन्स्टीच्यूट अफ मेडिकल साइन्स अगामकौन पटनामा आज भएको परिक्षणमा कोभिड १९ नेगेटिभ देखिएको हो । यस अघि उहाँ ७ गते पटनाको पिएमसिएच अस्पतालमा  भर्ना हुनु भएको थियो । आज दिउसो उहाँमा कोभिड १९ को संक्रमण देखा परेको भन्दै समाचार सार्वजनीक भएको थियो ।

रुङगटाको बिषयमा अन्तिम रिपोर्टको जाँच पूनेमा हुने र त्यसको रिपोर्ट भोली सोमवार सम्म आउने कुरा परिवारले सार्वजनीक गरेको थिए । तर आइतवार नै नेगेटीभ रिपोर्ट आएकोमा कसरी सम्भव भयो भन्ने स्वाभिक प्रश्न उठेको छ । रिपोर्टमा उल्लेख भएको उमेर नामले पनि सशय पैदा गरेको भन्दै कतिपयले संशय निरुपण हुने गरि प्रष्ट पारिनु पर्ने बिचार समेत ब्यक्त गरेका छन । 

समाचार प्रकाशमा आएपछि बीरगंजको जनजीवन एकाएक त्रसित भएको छ । छुटफूट रुपमा खुलेका दोकानहरु बन्द भएका थिए । बजारमा चहल पहल त कम थियो नै संक्रमण फेला परेको समाचार सार्वजनीक भएपछि मान्छेहरु आफना निवास तर्फ लागेका थिए । 

रुङटा आफन्तको बिवाहमा भाग लिन केही दिन अगाडि भारतको कोलकोता जानु भएको थियो । कोलकोता बाट दिल्ली हुदै एक हप्ता अगाडि बीरगंज आउनु भएका रुङटालाई बीरगंज बसाई छ दिन पछि ज्वरो आएको थियो । त्यही ज्वारोको उपचारकालागि पटना जानु भएका रुङगटामा अस्पतालले नै पचास प्रतिशत कोरोना संक्रमण भएको तर अन्तिम रिपोर्ट आएपछि मात्र केही भन्न सकिने भन्दै आशंका गरेको परिवारका सदस्यले जनाएका छन ।

तर पछिल्लो रिपोर्ट आएपछि परिवारका सदस्य ढुक्क भएका छन । शिव रुङगटाका भाई सुरेश रुङगटाले रिपोर्ट नेगेटिभ आयो परिवारले राहत महशुस गरेका छौ भन्नु भयो । रुङगटामा कोरोना संक्रमणको हल्ला हुनासाथ स्थनीय प्रशासनले आफनो सक्रियता बढाएको थियो ।

परिवपारका सदस्यलाई सेल्फ क्वारेन्टाइनमा राख्ने उनीहरुलाई चिकित्सक सहितको टोलीद्वारा काउन्सेलीङ गर्ने काममा स्थानीय प्रशासनले तदारुकता देखाएको थियो । पर्साका प्रमुख जिल्ला अधिकारी बिष्णुकुमार कार्की नेतृत्वको स्थानीय प्रशासनको टोली अहिले रातको समयमा पनि सीमामा आवश्यक ब्यवस्थापनमा खटेको छ ।

स्थानीय प्रशासनले बीरगंज रक्सौल सीमा समेत बन्द गर्ने सम्मको तयारी गरेको बीरगंज उधोग वाणिज्य संघका अध्यक्ष गोपाल केडियाले जानकारी दिनु भयो । उहाँले सक्रमण देखा परेको  बिषयले निकै तनाव भएकोमा अव राहत मिलेको बताउनु भयो । रिपोर्ट नेगेटिभ आएपछि राहत भएको छ  उहाँले भन्नु भयो “निकै बेचैनी भएको थियो सम्पूर्ण लक डाउनमा जाने तयारीमा हामी छौ लकडाउनमा गएपनि जुन चिन्ता रुङटामा संक्रमण देखिएको बिषयले 
सृजना भएको थियो त्यो नेगेटिभ देखिनाले निकै राहत भएको उहाँको भनाई छ ।