यातायात कार्यालय बीरगंजमा ( सवारी चालक अनुमतीपत्र) घुस नदिई काम गर्न गा¥हो भएको सेवाग्राहीले गुनासो गरेका छन ।

घुस दिएपछि कानूनले गर्न नमिल्ने काम पनि हुने तर घुस नदिने हो भने काम नगरिदिने प्रवृति बढेको भन्दै सेवाग्राहीले रोष प्रकट गर्न थालेका छन ।

सवारी चालक अनुमती पत्र लिनकालागि बिभागले अनलाईन फारम भर्ने ब्यवस्था मिलाएको छ । सवारी चालक अनुमतीपत्र लिन, पुरा गर्नु पर्ने लिखित परिक्षा, ट्रायल जस्ता काम आजको मितिमा अनलाईन फारम भर्दा करिब २ वर्षपछि मात्र पालो आउने गरि सर्भरले नै तोक्छ ।

यातायात ब्यवस्था कार्यालयमा नाजायज रुपमा आर्थिक अपचलन गर्न खप्पीस केही अधिकृत कर्मचारी र बिचौलीयाले अनलाईन फर्म दर्ता गर्नेहरुलाई सर्भरले तोकेको म्याद भन्दा अगाडि नै परिक्षामा सभागि हुन मिल्ने गरि बायोमेट्रिक तान्ने गरेका छन ।

यो गर्दा उनीहरुले प्रति फारम ५ हजार रुपैया लिने गरेका छन । यसरी असुल गरिएको ५ हजार मध्य १ हजार ५ सय भने बिचौलीयाले लिने गरेका छन । यो काममा भर्खर सरुवा भएर आएका तर यातायात ब्यवस्था कार्यालयका खग्गु अधिकृत कमलराज गौतमले नेतृत्व लिएका छन ।

गौतमले यो कामकालागि सन्तोष र रुस्तम नाम गरेका बिचौलीया परिचालन गरेका छन । कार्यालय प्रमुख सुशिल साहले पनि फिरोज नामका बिचौलीया मार्फत यो काम गर्दै आएको स्रोतको दावी छ । 

गौतम तिनै अधिकृत हुन जो २०७४ पुष २६ गते भ्रष्टाचारको आरोपमा निलीम्वत भएका थिए । त्यतीबेला गैर कानूनी रुपमा भारतीय सवारी चालक अनुमतीपत्र नेपाली करण गरेको र त्यसको अभिलेख समेत नराखी बदनीयतका साथ नेपााल सरकारलाई हानी नोक्सानी पु¥याउने काममा संलग्न भएको बन्दै गौतमबिरुद्ध अख्तियार दुरुपयोग अनुसन्धान आयोगले बिशेष अदालतमा उजुरी दर्ता गरेको थियो ।

उनलाई त्यतीबेलै “भ्रष्टाचारको जननीको” उपमा दिने गरिएको थियो । उनी त्यही दिनबाट निलम्वित भएका थिए । निलम्वनबाट फूकुवा पाउन गौतम एक्लैले ८ करोड रुपैया खर्चिएको स्रोतको दावी छ ।  फूकुवा पछि गौतम फेरी बीरगंज आइपुगेका छन ।

सवारी चालक अनुमती पत्रको फारम भर्दा  २९ मार्च २०२२ मा परिक्षाको मिति तोकिएका परिक्षार्थीलाई प्रति परिक्षार्थी ५ हजार लिएर अगाडिको मितिमा तान्ने कम अहिले भरमार रुपमा चलेको छ । आइतवार सोमवार मंगलवार गरि तीन दिनमा त्यसरी मिति सारिएका ६ वटा परिक्षार्थीको प्रमाण इसीमाना डटकमको कार्यालयमा आइपुगेको छ ।

कार्यालय प्रमुख सुशिल साहले बिभागले यस्तो कुरामा कडा निगरानी राखेको दावी गरे । तर उनले अनलाईन सर्भरको पासवर्ड सबै अधिकृतहरुमा बितरण गरिएकोले कसैले त्यस्तो गरेको भए आफूलाई थाहा नभएको भन्दै त्यस्तो भएको हुन सक्ने संकेत गरे ।

प्रदेश सरकारको मातहतमा रहेको  बीरगंजको यातायात ब्यवस्था कार्यालयमा मंत्रालय र बिभागका हाकीमहरुलाई रिजाउन सक्नेहरु लामो समयदेखी  कार्यरत रही आएका छन । अनलाईन भरिएको फारममा मात्र रकमी चलखेल भएको छैन ।

अफलाईन फारम भर्दा समेत ५ हजार रुपैया लिने गरिएको स्रोतको दावी छ । अफलाईन फारम भर्दा अहिले नियमित रुमा शुरु भइरहेको परिक्षामा सामेल हुने गरि फारम भर्ने गरिएको छ । साह र गौतमको जोडीले नाजायज रुपमा आर्थिक दोहन गर्दै बिचौलीयाको समेत सिण्डिगेट खडा गरेर काम गरेको भन्दै अन्य बिचौलीया समेत रिसाउन थालेको स्रोतको भनाई छ ।