गौर ११ फाल्गुण । 
०७६ माघ २७ गते । रौतहट जिल्लाको दुर्गा भगवती गाउँपालिका । मत्सरी वडा नं ३ देवी पर्सा टोलको एउटा गोठमा ७० वर्षिय बृद्ध फेकन पण्डित कुम्हार मृत फेला परे । उनको टाउकोमा गम्भिर प्रकारको चोट थियो । अनुहारमा धारिलो हतियारले काटिएको थियो । घटना बिहानको ३ देखी ४ बजेको समयमा भएको रौतहट प्रहरीले जनाएको छ । गोठमा सुतिरहेका पण्डितको हत्या किन र कसले ग¥यो रौतहट प्रहरीका सामु यो गुत्थी सुलझाउनु पर्ने दायित्व थियो । 
प्रहरीले घर भित्रबाटै अनुसन्धान शुरु ग¥यो । सामाजिक रुपमा उठने टिकाटिप्पणीका कारण प्रहरी घर भित्रबाटै अनुसन्धान थाल्नु पर्ने निष्कर्षमा पुगेको थियो । गाउँ समाजमा पण्डितको बुहारीका बिषयमा नकारात्मक टिप्पणी हुने गरेको थियो । त्यही टिप्पणीलाई प्रहरीले अनुसन्धानको प्रस्थान बिन्दुका रुपमा प्रयोग ग¥यो र रौतहट प्रहरी अन्तत निष्कर्षमा पुग्यो । निष्कर्ष  भने अत्यन्तै ह््दयबिदारक रहेको छ । सामाजिक सम्बन्धहरुमा बिश्वासको संकट पैदा गर्ने खालको छ । समाजको बिश्वास र सम्बन्धको सम्मान  आदर र प्रेम माथि अविश्वास पैदा गर्ने खालको रहेको छ । 

पण्डितका माइला छोरा  २५ वर्षिय राजकुमार पण्डितले हथौडी र धारिलो हतियार प्रहार गरेर आफनै पिताको विभत्स  हत्या गरेको प्रहरीले गरेको गहन अनुसन्धानबाट पुष्टि भएको प्रहरी उपरिक्षक रबीराज खड्काले जानकारी दिनु भएको छ 
 
जिल्ला प्रहरी कार्यालय रौतहटले आईतवार पत्रकार सम्मेलनको आयोजना गरेर  अभियुक्तलाई सार्वजनिक गर्दै माघ २७ गते विहान करिव ३ देखि ४ बजेको समयमा गोठमा सुतिरहेका ७० बर्षिय फेकन पण्डित कुम्हालको हत्याको गुत्थी सुल्झाएको जनाएको हो  । 

अनुसन्धानमा तालिम प्राप्त कुकुरको प्रयोग

गत माघ २७ गते विहान ६ः०० बजे  स्थानीयहरु सहित राजकुमारले घटनाका बारेमा इलाका प्रहरी कार्यालय गंगापिपरालाई जानकारी गराएका थिए । त्यही जानकारी जिल्ला प्रहरी काकार्यलय रौतहटले पाएपछि  जिल्ला प्रहरी कार्यालय रौतहटका एसपी सहित अनुसन्धान अधिकृत प्रहरी निरीक्षक नविनकुमार सिह सहितको पाँच सदस्यीय टोली घटना स्थलमा पुगेर अनुसन्धान सुरु गरेको थियो । 

अनुसन्धान गर्दै जाँदा जटिल प्रवृतिको घटना भएपछि तालिम प्राप्त कुकुरको समेत प्रयोग गरिएको थियो ।  घटनामा मृतककै छोराको मात्रै संलग्नता रहेको प्रहरीले पत्ता लगाएपनि निरन्तर रुपमा अनुसन्धान एवं सोधपुछ गर्दै जाँदा  राजकुमारले आफनो अपराध स्वीकार गरेको एसपी खड्काले पत्रकार सम्मेलनमा जानकारी दिनुभयो  ।

किन भयो घटना

२०७६ साल माघ २६ गते बेलुकी करिब ८ः०० बजेको समयमा खाना खाएर फेकन पण्डित गोठमा सुत्न गएका थिए ।  राजकुमारका  ३ जना छोरा सहित श्रीमती घरमै सुतेका थिए  । तर विहान ३ बजेको समयमा एक्कासी ब्यूझिएका राजकुमारले श्रीमतीलाई ओछ्यानमा देखेनन । श्रीमतीका बारेमा धेरै नराम्रा कुरा सुन्दै आएका राजकुमारलाई मनमा चिसो पस्यो । उनी श्रीमतीको खोजीमा निस्के  । श्रीमती खोज्दै गोठमा पुगेका राजकुमारको आँखामा जे दृश्य देखा प¥यो त्यसले आफनै पिताको जीवन लिला समाप्त पार्ने सम्मको अपराधकर्म उद्धत हुन पुगे । गोठमै रहेको हथौडीले पिताकोे अनुहारमा निर्मम प्रहार गरे । गोठमै रहेको घाँस काँटने गडासीले अनुहार छिया छिया हुने गरि काटे । राजकुमारले जे दृश्य देखे त्यसबेला उठेको रिसलाई उनले नियन्त्रण गर्न सकेनन । आवेशलाई थाम्न नसक्दा टाउकोमा हथौडाले ४ ५ पटक अन्धाधुन्ध प्रहार गर्नुका साथै धारिलो घाँस काट्ने गडासीले अनुहारमा ४ ५ पटक हिर्काएर हत्या पिताको हत्या गरे । हत्या गरेपछि घरमा आएर लुगा बदले । 

घटनाको बारेमा श्रीमतीलाई कसैलाई नभन्नु भनेका थिए ।  तर प्रहरीले  राजकुमार र उनको श्रीमती सहित अन्य ४ जनालाई नियन्त्रणमा लिएर अनुसन्धान गर्दा घटनाको सत्यता बाहिरीयो  । राजकुमारले पनि हत्या गरेको  स्वीकार गरे । 

राजकुमारको श्रीमतीले फागुन ७ गते जिल्ला प्रहरी कार्यालय रौहतटमा श्रीमान विरुद्ध दिएको किटानी जाहेरीको आधारमा मुलुकी अपराध संहिता २०७४ को ज्यान कसुर अन्तर्गत मुद्दा दर्ता गरी  प्हरीले अनुसन्धान जारी राखेको छ । रौतहट जिल्ला अदालतबाट फागुन ८ गते ५ दिनको म्याद थप गरेर अनुसन्धान भईरहेको एसपी खड्काले बताउनु भयो ।

राजकुमारको ५ बर्ष, साढे तिन बर्ष र २ बर्षको छोरा छन ।  उनी गंगापिपरा बजारमा किराना पसल थापेर व्यवसाय संचालन गर्दै आईरहेका थिए ।  श्रीमतीको चालचलन राम्रो नरहेको सुनेका राजकुमारले  आफनो आँखाले नदेख्दा सम्म श्रीमतीलाई केही भनेका थिएनन । तर आफैले देखेपछि  रिस थाम्न सकेनन परिणाम उनैलाई जन्म दिने बाबुको इहलिला समाप्त भयो  ।