मानव अधिकार सम्बन्धी एक दिने तालिम सम्पन्न
बीरगंज ७ फाल्गुण ।
नेपाल मानव अधिकार संगठन पर्साको आयोजनामा उक दिने मानव अधिकार तालिम सम्पन्न भएको छ । संगठनका जिल्ला उपाध्यक्ष दीलीप बरालको अध्यक्षतामा भएको कार्यक्रममा तालिमको उद्धेश्यका बारेमा प्राध्यापक डा, गोबिन्द ढकालले प्रकाश पार्नु भएको थियो ।
उहाँले नेपालमा सम्बैधानिक रुपमा नागरिकका अधिकारका बिषयमा गरिएको ब्यवस्थाको बारेमा चर्चा गर्नु भएको थियो ।
कार्यक्रममा बीरगंज महानगरपालिकाका उपप्रमुख शान्ति कार्कीले गर्भवस्था देखी लिएर मरण सम्म सम्मान पाउनु नै मानव अधिकार हो भन्नु भयो । बीरगंजका बिभिन्न कलेजमा अध्ययनरत बिद्यार्थी शिक्षक र सामाजिक अगुवाहरुको सहभागिता रहेको सो कार्यक्रममा उपप्रमुख कार्कीले हरेक क्षेत्रमा राजनीतिले दुष्प्रभाव पारेको चर्चा गर्नु भयो ।
उहाँले मान्छेको सम्मानीत जीवन वाँच्न पाउने वतावरणको निर्माणमा तीनै तहको सरकारले काम गर्नु पर्नेमा जोड दिनु भयो ।
कार्यक्रममा नेपाल पत्रकार महासंघ प्रदेश २ का उपाध्यक्ष के.सी.लामिछानेले मानव अधिकारको अवस्थाको बारेमा चर्चा गर्नु भएको थियो ।
उहाँले मानव अधिकारको क्षेत्र ब्यापक भएको चर्चा गर्दै शिक्षा ,स्वास्थ्य ,आवास खाद्य सुरक्षा ,अभिब्यक्ति स्वतन्त्रता जस्ता सबै बिषयहरु मानव अधिकार संग सम्बन्धीत रहेको बताउनु भयो ।
उहाँले मानव अधिकारको उल्लंघन राज्यले गर्ने चर्चा गर्दै राज्यलाई जिम्मेवार र जवाफदेह बनाउन नागरिक सचेत हुनु पर्नेमा जोड दिनु भयो । कार्यक्रममा प्रेस संगठन नेपाल पर्साका संयोजक निरज पिठाकोटे मगर लगायतले मन्तब्य ब्यक्त गर्नु भएको थियो ।
कार्यक्रमको संचालन नेपाल मानव अधिकार संगठन पर्साका सचिव शिवनाथ यादवले गर्नु भएको थियो । कार्यक्रममा बरिष्ठ अधिवक्ता डी.पी.त्रिपाठीले पनि प्रशिक्षण दिनु भएको थियो ।
सम्बन्धित शीर्षकहरु
सीमापारी/अन्तराष्ट्रिय
पत्रकार धम्काउने जर्मनी दूतावासका प्रथम सचिवलाई कारबाही गर्न पत्रकार महासंघ युरोपको माग
वीरगंज । जर्मनीको बर्लिनस्थित नेपाली राजदूतावासका प्रथम सचिव रन्जन यादवले पत्रकार दीपेन्द्र गजुरेललाई धम्की दिएको आरोप लगाउँदै उक्त घटनाको निष्पक्ष छानबिन गरी कारबाही गर्न माग गरिएको छ।
भारतीय कम्युनिष्ट पार्टी माओवादीका प्रभावशाली नेता प्रशान्त बोस ‘किशन दा’ को निधन
वीरगंज । भारतीय कम्युनिष्ट पार्टी माओवादीका एक प्रभावशाली नेता प्रशान्त बोस ‘किशन दा’ को ८५ वर्षको उमेरमा राँचीस्थित रिम्स अस्पतालमा निधन भएको छ ।
दिल्लीका पूर्व मुख्यमन्त्री केजरीवाल र उपमुख्यमन्त्री सिसोदिया निर्दोष सावित भने बेइमान सावित गर्ने भाजपाको तमाम कोशिस निष्काम
नयाँ दिल्ली । दिल्लीको राउज़ एवेन्यू अदालतले शुक्रबार रक्सी घोटालाका सबै आरोपीलाई निर्दोष ठहर गरेको छ । यसमा आम आद्मी पार्टीका नेता दिल्लीका पूर्व मुख्यमन्त्री अरविंद केजरीवाल र पूर्व उपमुख्यमन्त्री मनीष सिसोदिया पनि समावेश छन् ।
भारतको त्रिपुरामा चक्मा हत्या बिरुद्ध आन्दोलन, सम्मान, गरिमा र माया नपाएका पूर्वोतरका मान्छेहरु अलग देशको माँग गर्दै
वीरगंज । ९ डिसेम्बर २०२५ मा उत्तराखण्डको देहरादूनमा एक जातीयतावादी भीडको निर्मम आक्रमणमा परेका त्रिपुराका एन्जेल चक्माको उपचारको क्रममा ज्यान गएको छ ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
बारा–पर्साका ग्रामीण बस्ती जोड्न साझा यातायातको तयारी, अध्ययन समिति गठन
वीरगंज । बारा र पर्साका विभिन्न पालिकाका ग्रामीण बस्तीलाई सार्वजनिक यातायातमार्फत जोड्ने योजना अघि बढेको छ। वीरगंज महानगरपालिकासहित अन्तरपालिका सार्वजनिक यातायात सेवा सञ्चालन गर्ने तयारीसँगै आवश्यक अध्ययनका लागि समिति गठन गरिएको छ।
घटस्थापनासँगै बडादशैँ सुरु, घरघरमा जमरा राखियो
वीरगञ्ज । नेपालीहरूको महान् पर्व बडादशैँ आज घटस्थापनासँगै सुरु भएको छ। आश्विन शुक्ल प्रतिपदाका दिन मनाइने घटस्थापनाको अवसरमा देशभरका घरघरमा विधिपूर्वक पूजा–आराधना गरी जमरा राखिएको छ।
खेलकुद
चाफीमा फुटबलको रोमाञ्च, उद्घाटन खेलमै कञ्चनपुरको शानदार विजय
रंगपुर । पर्साको पटेर्वा सुगौली गाउँपालिका–२ स्थित चाफी खेलकुद मैदानमा विजया दशमी, दीपावली तथा छठ पर्वको अवसरमा खुला नकआउट फुटबल प्रतियोगिता सुरु भएको छ।
सेढवामा भेट्रान फुटबलको तयारी तीव्र, विजेतालाई ५० हजार पुरस्कार
वीरगन्ज । पर्साको जिराभवानी गाउँपालिका–२ सेढवामा जिराभवानी भेट्रान क्लबको आयोजनामा भेट्रान फुटबल प्रतियोगिता हुने भएको छ।
तपाईको प्रतिक्रिया