एक बाबुका दुई पुत्र एक बंशज नेपाली अर्को भारतीय छैन त बिचित्र !

इसीमाना सम्वाददाता २०७८ सावन १९ गते ०७: २८ मा प्रकाशित 1121 पटक पढिएको

एकै बाबुका दूई सन्तान एउटा नेपालको बंशज नागरिक अर्को भारतको । नेपाली नागरिकता धारण गरेको बाबुको छोराले बंशज नागरिकता पाउनु उसको नैसर्गिक अधिकार हो ।

तर नोपली नागरिकताको पत्तो नै नभएका बाबुको सन्तानले बंशजको नागरिकता धारण गरेको बिषय अहिले चर्चामा छ । एउटा भारतीय नागरिक दुइ छोरा मध्ये जेठो भारतीय र कान्छो नेपालको बंसज नागरिक रहेको तथ्य फेला परे संगै यो बिषयले चर्चा पाएको हो ।

भारत बिहार मुज्जफरपुर अखाडाघाट निवासी राम अवतार प्रसादका जेठा छोरा कैलास प्रसाद भगेरिया अझै पनि भारतीय नागरिक नै हुन ।

तर कान्छोछोरा पवन भगेरिया विहारमा विभिन्न अपराधकर्म गरि नेपालमा लुक्न आएका बखत मोरगं जिल्लाको रंगेलीबाट बंसज नागरिकता लिन सफल भएका छन् ।आज उनी “बोनाफाइड” नेपाली भएका छन ।

केहि बर्ष अगाडि वीरगञ्जको आदर्शनगरमा मनाकामना मोटरपार्टस खोलेर त्यसको आडमा देशभरी तस्करीको समान सप्लाइ गरेर चर्चामा आएका भंगेरिया गैर कानूनी काम गरेर छिटो धन आर्जन गर्न सफल भएका ब्यक्ति हुन ।

उनले सम्पती मात्र जोडेका छैनन । ०६३ सालमा नागरिकता बितरण टोलीले नागरिकता बितरण गर्दा एक दर्जना भन्दाबढी आफ्ना भारतीय विहारी नातेदारहरुलाई समेत नागरिकता दिन लगाएर भित्र्याएका छन ।

स्थानीय प्रहरी प्रशासनको दलाली गर्दै आएका भगेरियाको नागरिकता छानविनको लागि जिल्ला प्रशासन कार्यालय पर्सामा मुद्दा परेको छ । तर मुद्धा दुई दशकदेखि किनारामा पुर्याउने गरि काम भने भएको छैन ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।