वीरगंज १ फाल्गुण । संचार माध्यम नभए माफियाहरुले मुलुक बेच्ने अवस्था रहेको संघीय सासद प्रदीप यादवले बताउनु भएको छ । वीरगंज न्यूज २४ दैनिकको प्रथम बार्षिकोत्सवको अवसरमा आयोजित समारोहलाई सम्बोधन गर्दै यादवले यस्तो बताउनु भएको हो ।

सांसद यादवले वाइडबडी, यती, एनसेल, ललिता निवास लगायतका काण्ड पत्रकारले नै बाहिर ल्याएको वताउदै पत्रकारिता नभए देश बेच्न पनि माफियाहरुले बेर नलाउने स्पष्ट पार्नु भयो । पत्रकारले ललिता निवास काण्ड उजागर गरेका कारण अख्तियारले एक सय ७५ जना माथी मुद्दा दर्ता गरेको समेत बताउनु भयो  । उहाँले अख्तियारले ठुलो माछो समातेन भन्ने थियो अहिले निकै ठुलो माछो सामातिएको छ यो भन्दा पनि ठुला माछा समातिने उहाँले बिश्वास ब्यक्त गर्नु भयो । 

पुर्व उपप्रधान मन्त्री सहितका एक सय ७५ जना माथी मुद्दा दर्ता भएकोले पनि ठुलो माछो पनि समातिने तथ्य स्थापित भएको उहाँले बताउनु भयो । 

सांसद यादवले  पत्रकार नभए कुनै पनि आन्दोलन सफल नहुने वताउनु भयो । उहाँले मधेश आन्दोलन सहित अन्य आनदोलनमा पनि पत्रकारहरुको भूमिका मत्वपूर्ण रहेको चर्चा गर्दै पत्रकारहरुको योगदानलाई सलाम गर्छु भन्नु भयो । 

उहाँले संघीय समाजवादी फोरम बाट निर्वाचित भएपनि  आफू जनताको सांसद भएकोले हरपल पत्रकारलाई सहयोग गर्न तयार रहेको बताउनु भयो । 

उहाँले पत्रिकाको लोक कल्याणकारी विज्ञापनको भुक्तानिको लागि जनकपुर जानु पर्ने बाध्यताको गुनोसोको सन्दर्भमा वोल्दै यादवले जिल्ला हुलाका कार्यालय पर्साबाट नै भुक्तानीको व्यस्था मिलाउन पहल गर्न र सांसदमा समेत आवाज उठाउने समेत आश्वासन दिनु भयो  ।

पत्रिकाका प्रकाशक अखलेश कुमार साहको अध्यक्षतामा भएको कार्यक्रममा नेपाल पत्रकार महासंघका प्रदेश २ का अध्यक्ष दिपेन्द्र चौहानले पत्रकारिताले जनताको भावनालाई प्रतिनिधित्व गर्नु पर्नेमा जोड दिनु भयो । उहाँले संचार क्षेत्रले पस्कने कन्टेन्ट समाजकालागि हुनु पर्नेमा जोड दिनु भयो ।

कार्यक्रममा पर्साका प्रमुख जिल्ला अधिकारी विष्णु कार्की, नेकपाका पर्सा अध्यक्ष प्रभु हजरा, समाजवादी पार्टीका पर्सा सचिव तबरेज अहमद,नेपाल पत्रकार महासंघ प्रदेश २ का उपाध्यक्ष के.सी.लामिछाने  भिजिट मधेशका राष्ट्रिय संयोजक समेत रहेका राजपाका वीरगंज नगर अध्यक्ष ओमप्रकाश सरार्फ,नेपाल पत्रकार महासंघ , पर्सा अध्यक्ष श्याम बंजारा,  प्रेस संगठन नेपालका केन्द्रिय सदस्य वृजलाल पासवान, राघव साह, इजाका अध्यक्ष बिजय कुशवाहा गैसस महासंघ नेपाल पर्साका अध्यक्ष छठु साह, प्रेस युनियन पर्साका उपाध्यक्ष शेखर छतकुली लगायतकाले शुभकामना मन्तव्य राखेका थिए ।

वीरगंज स्थित रोयल पार्टी प्यालेसमा भएको कार्यक्रमको संचालन संचारकर्मी उजवल घिमिरेलेगर्नु भएको थियो ।