वीरगन्ज, ११ मंसिर । मुलुककै जेठो क्याम्पस ठाकुरराम क्याम्पसमा बुधबार विद्यार्थीहरुले सहायक क्याम्पसका प्रमुख सहित तीनजालाई बैठक कक्षमा थुनेका छन् ।

क्याम्पसमा अवैधानिक प्रकृयाबाट कर्मचारी तथा अांशीक प्राध्यापक भर्ना गरेको विरोधमा अनेरास्ववियुले सहायक क्याम्पस प्रमुख प्रमोद गुप्ता, रोशन लामिछाने र प्रशासन प्रमुख राजकुमार श्रीवास्तवलाई बैठक कक्षमा थुनेका हुन् ।

शिक्षाको मन्दिरमा गुणस्तरीय जनशक्ति नियुक्त गर्नुपर्नेमा आफ्नो नातेदारका लागि भर्ना खुला गरेर आफ्नालाई प्राथमिकता दिएको र  माग भन्दा पनी बढी कर्मचारी समेत नियुक्त गरेको भन्दै विद्यार्थीहरुले विरोध गर्दै आएका छन् । क्याम्पसमा समाजशास्त्र संकायमा शिक्षकहरु हुदाहुदै पनि आफन्तलाई जागिर खुवाउनका लागि क्याम्पसले मनपरि ढंगबाट भर्ना खोलेर नियुक्त गरेको विद्यार्थीहरुको आरोप छ ।

क्याम्पसले अनियमित तरिकाले जनशक्ति भर्ना गरेको भन्दै क्याम्पस प्रमुख सहित प्रशासन शाखाहरूमा विद्यार्थी संगठनहरुले तालाबन्दी गरेको भएपनि प्रक्रिया नै पूरा नगरी क्याम्पस प्रशासनका केही व्यक्तिले आफ्ना नातेदार र निकटका व्यक्तिलाई नियुक्ति गरेको विद्यार्थीहरुले बताएका छन् ।

शिक्षा जस्तो सम्वेदशील क्षेत्रमा समेत नातावाद र कृपावाद गर्नु जायज नभएको भन्दै शिक्षा संग खेलवाड गर्ने कर्मचारी र प्रशासनलाई कुनै हालतमा आफ्नो मनोमानी गर्न नदिने अनेरास्ववियुका नेता संदीप विक्रम साहले बताउनु भयो । गलत ढंगबाट भएको सम्पूर्ण नियुक्ति खारेज नभए सम्म आन्दोलन जारी रहने उहाँको भनाइ छ  ।

आफ्नो ब्यक्तिगत स्वार्थका लागि  क्याम्पसलाइ बन्धक बनाएर आफ्ना निकटका व्यक्तिहरुलाई भर्ना गर्ने अखडा बनाएको भन्दै आंशिक् प्राध्यापक संघ र बिभागीय शिक्षकहरुलेले पनि विरोध जनाएका छन ।  व्यापक विरोधका बावजुद पनि क्याम्पस प्रशासनले जबरजस्ती ढंगबाट जनशक्ति भर्ना गरेको उनीहरुको दावी छ ।

यो पनि पढनुहोस

http://esimana.com/detail/2336/ठकररमम-शकषक-नयकतक-बजञपन-खरज-गरन-मग

http://esimana.com/detail/2328/ठकररम-कयमपसम-तलबनदक-बरदध-पन-तलबनद

अनेरास्ववियुसँगै राजपा निकटको राष्ट्रिय विद्यार्थी संघ र समाजवादी पार्टी निकटको समाजवादी विद्यार्थी युनियनले पनि क्याम्पसमा तालाबन्दी गरेर सहायक क्याम्पस प्रमुख सहित तीनजनालाई बैठक कक्षमा थुनेका छन ।

आन्दोलनरत विद्यार्थीहरुले क्याम्पस परिसरमा क्याम्पस प्रमुख डाक्टर प्रमोद कुश्वाहाको पुत्ला पनि जलाएका थिए । विद्यार्थीहरुले जलाएको पुत्ला खोस्ने क्रममा प्रहरी र विद्यार्थीहरुबीच केहीबेर तनाव भएको थियो ।

जलाएको पुत्ला खोसाखोस गर्ने क्रममा केही विद्यार्थीहरुलाई आगोले पोलेर घाईते भएका छन् । राष्ट्रिय विद्यार्थी संघका अध्यक्ष मधुसुदन चौसियाका अनुसार सागीर अली,शशी सर्।ाफ,सुमित चौरसिया,आर्यन नीतिश पटेल सामान्य घाइते भएका छन ।

विद्यार्थीहरुले भने प्रहरीले लाठी चार्ज गरेको आरोप लगाएका छन् । घटनास्थलमा रहेका वडा प्रहरी कार्यालय वीर्ताका प्रहरी निरीक्षक निर्मल पनेरुले भने विद्यार्थीहरुमाथि कुनै किसिमको बल प्रयोग नगरिएको बताउनु भयो ।  

निमित्ति क्याम्पस प्रमुख प्रमोद गुप्ताले भने कर्मचारी तथा आशीक प्राध्यापकहरुको भर्ना बिद्यार्थीहरुको चासो भित्र नपर्ने बताउनु भयो । बिद्यार्थीहरुले भने क्याम्पसका सबै शाखामा तालाबन्दी गरेका छन । कुनै पनि शाखा खुला नभएपनि शिक्षक तथा कर्मचारीहरुको नियुक्ति प्रक्रिया पुरा भएकोमा प्राध्यापक तथा बिद्यार्थीहरुसमेत आश्चर्यमा परेका छन ।

प्राध्यापक तथा कर्मचारीहरुको फाइल सबै तलाबन्दीका कारण भित्र छ तर अन्र्तवार्ता भयो नाम निस्क्यो नाम निस्केको सूचनामा न चलानी छ न त दर्ता नम्बरनै यस्तो पाराले नै नियत देखिएको बिद्यार्थीहरुको टिप्पणी छ ।