निजगढ बिमानस्थलको बिरोध गर्नेहरु राष्ट्रको समृद्धिको पक्षमा नरहेको प्रष्ट छः मंत्री भट्टराई
बीरगंज १ मंसीर ।
संस्कृति पर्यटन तथा नागरिक उड्डयन मन्त्री योगेश भट्टराईले निजगढ अन्तराष्ट्रीय बिमानस्थलको बिपक्षमा कुनै पनि अभियान चलाउने बिरोध र आलोचना गर्नेहरु कुनै पनि अर्थमा राष्ट्रको समृद्धिको पक्षमा नरहेको प्रष्ट बुझन पर्ने बताउनु भयो ।
उहाँले भैरहवामा निर्माण अन्तिम चरण्मा पुगेको र अबको तीन महिनामा सञ्चालन गर्ने तयारीमा पुगिसकेकोले अब दोस्रो त्यहि हुने भन्दै त्यसपछि तेस्रो भयो भने पोखरा हुने बताए। पोखरा र भैरहवाले पनि काठमाण्डौंको चापलाई समाधान नगर्ने भन्दै निजगढ नै अन्तिम विकल्प भएको बताउनु भयो । उहाँले निजगढ बिमानस्थलमा कुनै पनि हालतमा बन्ने दृढता ब्यक्त गर्दै फास्ट ट्रयाक र बिमानस्थलको निर्माण नेपालकोलागि “गेम चेन्जर”को रुपमा रहेको बताउनु भयो ।
बाराको कोल्हवी नगरपालिकाले आयोजना गरेको दोस्रो अन्र्तराष्ट्रिय विमान स्थल सम्बन्धीे अन्तरक्रिया कार्यक्रममा सहभागिहरुको प्रश्नलाई सम्बोधन गर्ने क्रममा मन्त्री भट्टराईले यस्तो बताउनु भएका हो ।
उहाँले बिमानस्थलको शिलान्यास पनि चाडै हुने बताउनु भयो । प्रस्तावित बिमानस्थल क्षेत्रमा स्थान्तरण गर्ने बस्तीहरुको स्थलगत अवलोकन तथा अनुगमनमा आउनु भएका मंत्री भट्टराईले बिमानस्थलको काम शुरु भएको बताउनु भयो । बस्तीको स्थान्तरण,मुआव्जाको बितरण लगायतका कामहरु भइरहेको बताउनु भएको हो ।
अन्तरक्रियामा समाजवादी पार्टीका महासचिव रामसहाय यादव संघीय सांसद रामबाबु यादव, प्रदेश सभाका सांसद त्रिलोकी चौधरी, नेकपा बाराका अध्यक्ष क्षेत्र बहादुर श्रेष्ठ जीतपुरसिमरा उपमहानगरपालिकाका मेयर डा. कृष्ण पौडेल, कोल्हवी नगरपालिकाका मेयर भरतबहादुर भण्डारी, निजगढ नगरपालिकाका मेयर सुरेश खनाल लगायत विभिन्न पार्टीका नेताहरुले सम्बोधन गरेका थिए । उपमहानगरपालिकाका मेयर डा.कृष्ण पौडेलले बस्ती व्यवस्थापनका लागि संघीय सरकारले निर्णय गरे स्थानीय सरकारले सहयोग गर्ने बताए ।
टांगियाबस्ती सरोकार समितिका अध्यक्ष रमेश सापकोटाले बस्ती व्यवस्थापनबारेमा मन्त्री भट्टराईलाई माग पत्र पेश गरेका थिए। वडा अध्यक्ष केदारनाथ बजगाईले विमानस्थल बनाउनु अघि बस्तीको स्थान्तरण गर्न सरकारसंग माग गरेका थिए ।
टोलीमा पर्यटन राज्यमन्त्री धनबहादुर बुढामगर, पर्यटन सचिव केदारबहादुर अधिकारी, नागरिक उड्डयन विभागका महानिर्देशक राजन पोखरेल, आयोजना प्रमुख प्रदीप अधिकारीलगायत सहभागी छन्। निरीक्षणमा पूर्वमन्त्री पुरुषोत्तम पौडेल, पूर्वसभासद जयराम दाहाल, गोपाल ठाकुर, बलवीर चौधरी, प्रदेश सभाका सांसद ज्वाला साह, सुन्दर विक, सीता गुरुङ, सारदाशंकरप्रसाद कलवार, जीतपुरसिमरा उपमहानगरपालिकाका उपमेयर सरस्वती चौधरी, निजगढ नगरपालिकाकी उपमेयर लिलादेवी लामिछानेसमेत सहभागी रहेको थियो ।
सम्बन्धित शीर्षकहरु
सीमापारी/अन्तराष्ट्रिय
भारतको अप्रेशन सिन्दुर,पाकिस्तान नियन्त्रित नौ स्थानमा मिसाइल आक्रमण
वीरगंज। भारतले बुधबार पाकिस्तान र पाकिस्तान नियन्त्रित कश्मीर (पीओके) मा रहेको ‘आतङ्कवादी केन्द्रहरु’ नौ स्थानमा हमला गरेको घोषणा गरेको छ ।
अमेरिकाको टेक्सस राज्य संसदद्वारा १३ मार्चलाई ‘नेपाली लुम्बिनी एड्भोकेसी डे’ घोषणा
टेक्सस । अमेरिकाको टेक्सस राज्य संसद्ले १३ मार्चलाई ‘नेपाली लुम्बिनी एड्भोकेसी डे’ घोषणा गरेको छ ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
प्रशासकीय अधिकृत साह सहित ६ जना बिरुद्ध बिशेष अदालतमा मुद्धा दर्ता
वीरगंज । अख्तियार दुरूपयोग अनुसन्धान आयोगले बचतकर्ताको पाँच करोड बढी रकम हिनामिना गरेको आरोपमा बिन्दवासीनी गाउँपालिकाका प्रशासकीय अधिकृत सुजित साह सहित ६ जनाविरुद्ध मुद्दा दायर गरेको छ।
पार्टीलाई जनताकावीचमा स्थापित गर्न एक ढिक्का भएर लाग्न इन्चार्ज हजराको अपिल
वीरगंज । नेकपा एमालेका केन्द्रीय सदस्य एवं पर्सा इन्चार्ज प्रभू हजराले पार्टीलाई जनताको वीचमा स्थापित गर्नकालागि जनसरोकारका मुद्धालाई नेतृत्व गर्नु पर्ने बताएका छन ।
खेलकुद
अखिल नेपाल फुटबल संघको साधारण सभामा पूर्व अध्यक्ष गणेश थापालाई रोक
धुलिखेल । अखिल नेपाल फुटबल संघ(एन्फा) आफ्ना पूर्व अध्यक्ष गणेश थापालाई साधारण सभामा सहभागी हुन बाट रोक लगाएको छ।
तपाईको प्रतिक्रिया