बिरगंज ११ साउन  । 

बि.पी कोइरालाको ३७ औ तथा ४१ औ पुष्पलाल स्मृति दिवसको सन्र्दभ पारेर बीरगंजमा नेपालमा समाजवाद एक बिमर्श बिमर्श बिषय गोष्ठी सम्पन्न भएको छ । पाठशाला बीरगंज स्टडी सेन्टरको आयोजनामा भएको कार्यक्रममा समाजवादका बिषयमा गम्भिर बिमर्श भयो । 

नेपालका शोषीत पीडित श्रमजीवी जनताको आर्थिक जीवनमा परिर्वतन नआउदा सम्म समाजवाद नआउनेमा वक्ताहरुले जोड दिए । 

उनीहरुले राज्यको दलाल दलाल नोकरशाही पूजीवादी चरित्र समाजवाद निर्माणको अवरोधक भएको बताए । समाजवाद प्रति प्रतिवद्ध सम्बिधान बनाएपनि मुलुकको राजनीतिले त्यो दिशा समात्न सकेन । राजनीति नेतृत्वले सिद्धान्त अनुसारको ब्यवहार देखाउन सकेन ।

सिद्धान्त र ब्यवहार वीचको बेमेलका कारण समस्या पैदा हुदै छ । अर्को तर्फ नागरिकले समेत आफनो दायित्व बिर्सिएकाले पनि अवस्था बिग्रदो छ ।

नेपाली कांग्रेसका नेता प्रदीप गिरीले पाँच वर्षमा एक पटक भोट हालेर कानमा तेल हाल्ने नागरिक पनि बेथितिपूर्ण अवस्थाकोलागि जिम्मेवार भएको बताए । उनले भने हामी त पाँच वर्षमा एक पटक आउछौ मासु चिउरा ख्वाउछौ तपाई महान भन्छौ ढोग्छौ जान्छो त्यसो गर्दा तलव पनि पाएकै हुन्र्छा हामीलाई त राम्रै भएको छ तर जनतालाई राम्रो हुन सकेन । 

बिभिन्न समयका जनआन्दोलनको जनादेश तथा नेपालको सम्बिधानले समाजवादी शासन ब्यवस्थामा जाने प्रतिवद्धता जनाएपनि मुलुक त्यो दीशामा नबढेकोमा चिन्ता ब्यक्त गरिएको छ । नेपाली राज्यको चरित्र  दलाल नोकरशाही पूजीवाद रहेको छ । ब्यपार घाटा बढ्दो छ । नेपाली जनताको दैनीक जीवनमा दिनप्रति दिन समस्याहरु बढदै गइरहेका छन ।

यस्तोमा समाजवादी सिद्धान्त बोकेको सरकारले ति समस्याहरुलाई हल गर्ने ठोस नीति लिनु पर्नेमा    नेकपाका स्थायी समिति सदस्य घनश्याम भूषालको जोड थियो  । उनले भने सिमान्त श्रमजीवी बर्गको जीवनस्तर माथि उठनै पर्छ तव मात्र समाजवादको अनुभूती गर्ने दिन आउछ ।

नेपाल कृषि प्रधान देश भनिन्छ । कृषिमाथिको निर्भरता अझै पनि ६३ प्रतिशत रहेको छ । कृषि पेशालाई सम्मानीत पेशाको रुपमा पनि हेरिदैन । श्रमलाई सम्मान गर्ने संस्कृतिको पक्षधर कम्युनिष्टकै सरकार मुलुकमा हुदा समेत कृषि पेश सम्मानीत त भएन नै किसानले राज्यका तर्फबाट पाउनु पर्ने सुविधा समेत पाएनन ।

कृषिको आधुनीकीकरणको कुरा त परै जाओस । निर्वाहमुखी कृषिले अव आफूलाई पनि खान नपुग्ने अवस्था आएको छ । शिक्षामा त्यस्तै छ । एक पटक शिक्षकको नियुक्ति लिएपछि शिक्षकले पढन छोडने भएकोले शिक्षामा पनि गुणात्मक बिकास भएन । नेकपाका अर्का नेता रामकार्कीले किसानलाई प्रमाणपत्र जारी गर्ने र त्यसैलाई धरौटी राखेर पैसा दिने ब्यवस्था ल्याउनु पर्नेमा जोड दिए ।

उनले भने किसानको सहभागितामा किसानलागि जुन दिन नीति बन्छ त्यो दिन हामी समाजवाद तर्फ जादैछौ भनेर बुझ्दा हुन्छ । पाठशाला बीरगंज स्टडी सेन्टरका अध्यक्ष बालगोपाल थापाको अध्यक्षतामा भएको कार्यक्रममा नेकपा नेपाली कांग्रेस र समाजवादी पार्टीका पर्साका नेता तथा कार्यकर्ताको उल्लेख्य सहभागिता रहेको थियो । कार्यक्रममा पाठशालाका उपाध्यक्ष बीरेन्द्र शाहले स्वागत गरेका थिए भने कार्यक्रमको संचालन सचिव के.सी.लामिछानेले गरेका थिए ।