बीरगंज २७ असार ।
बाढी पूर्वानुमान महाशाखाले देशका विभिन्न जिल्लाका नदी खोलामा जलतसतहले सतर्कता तह पार गरेको उल्लेख गर्दै होसियारी अपनाउन आग्रह गरेको छ।

महाशाखाका अनुसार भारी वर्षाका कारण प्रदेश १,२, ३ का चुरे र पहाडको क्षेत्रबाट बग्ने सबैजसो  नदीहरूमा जलसतह सतर्कता तह आसपास छ।

थप वर्षा हुने देखिएको तथा बाढी पूर्वानुमान गर्ने कम्युटर मोडेलहरूले समेत जलप्रवाह उच्च हुने देखाएकाले नदीको तटीय क्षेत्रमा उच्च सतर्कता अपनाउन आग्रह गरेको छ।

महाशाखाका अनुसार वाग्मतीको पधेरादोभान बाढी मापन केन्द्रमा जलतसतह सतर्कता तह पुगेको र बढ्दो क्रममा छ। तसर्थ रौतहहट, सर्लाही जिल्लाका तटिय क्षेत्रमा हुनेहरूले सतर्कता अपनाउनुपर्ने महाशाखाले जनाएको छ।

महाशाखाले भनेको छ– हाल कपिलवस्तु, रूपन्देही,चितवन, बारा, पर्सा, मकवानपुर, सिन्धुली, सिराहा, रौतहट र आसपास अधिकांश स्थानमा भारी वर्षा मापन भएको छ। यही आसपासका क्षेत्रमा घना बादल छ । कमला, वाग्ग्मती, यसका शाखा नदीहरू र अन्य साना नदीमा जलसतह बढ्दो छ,  केहीमा खतरा तह पार हुने सम्भावना भएकाले सतर्क रहनुहोला।

यसैगरी बाढी पूर्वानुमान महाशाखाले हाल तिनाउ नदी बुटवलको बाढी मापन केन्द्रमा जलसतहले सतर्कता तर पार गरेकाले तिनाउको तल्लो तटिय क्षेत्रमा पनि शुक्रबार बिहानसम्म सामान्य सतर्कता अपनाउन अनुरोध गरेको छ।

अहिले देशभरजसो वर्षा जारी छ। काठमाडौं उपत्यकामा पनि बिहीबार रातिदेखि पानी परिरहेको छ। यता पर्सामा वर्षायाममा हुने डुबानबाट सर्वसाधरणको उद्धारका लागि १५ लाख रुपियाँको लागतमा तीनवटा बोट खरिद गरिएको छ ।

     दैवीप्रकोप उद्धार समितिको पहल  र जिल्ला विपद् व्यवस्थापन समितिको निर्णयबाट मोटरजडित प्लास्टिक बोट खरीद गरिएको पर्साका प्रमुख जिल्ला अधिकारी नारायणप्रसाद भट्टराईले बिहीवार जानकारी दिए ।  

    बाढी–पानीको प्रकोपमा परेका नागरिकको उद्धारका लागि वीरगंज महानगरपालिकाबाट दश लाख रुपियाँ, नगरपालिकाहरूबाट ५र५ लाख र गाउँपालिकाहरूबाट ३र३ लाख रुपियाँको   सहयोगमा १५ लाखमा बोट खरीद गरेको र बाँकी रकम जिल्ला विपद् व्यवस्थापन समिति पर्साको खातामा सुरक्षित रहेको प्रजिअ भट्टराईले  बताएका छन् ।

    भारतबाट खरीद गरिल्याइएको उक्त उद्धार बोटमध्ये तीन सेट नेपाली सेनालाई र दुईवटा सशस्त्र प्रहरीलाई हस्तान्तरण गरिएको छ । बोटले ९६० किलोग्रमसम्म भार ढुवानी गर्न सक्ने प्रविधिकको भनाइ छ । प्राविधिकका अनुसार ३० मिनट भित्रै गुङ्गा उद्धारका लागि तयार गर्न सकिने र यसलाई ढुवानी गरी उद्धार स्थलमा पु¥याउन पनि सहज  छ । 

    पर्साका लागि खरीद गरिएको बोट आवश्यक परे छिमेकी जिल्लामा समेत पठाउन सकिने स्थानीय प्रशासनले जनाएको छ । बोटबारे जिल्ला प्रशासन कार्यालय परिसरमा कार्यक्रम आयोजना जानकारी गराइएको थियो ।