एशोसिएशनका अध्यक्ष अधिकारीले सम्हाले पदभार

इसीमाना सम्वाददाता २०८१ माघ १७ गते १८: ११ मा प्रकाशित 324 पटक पढिएको

बीरगंज । नारायण अधिकारीले ट्रान्सपोर्ट एशोसिएशन बीरगंजको अध्यक्षको पदभार सम्हालेका छन । हालै चितवनको सौराहमा सम्पन्न २६ औ अधिवेशनबाट उनी एशोसिएशनको अध्यक्षमा निर्वाचित भएका थिए ।

उनले पदभार सम्हालदै ब्यवसायीहरुको पेशागत हितका निम्ति आफूले काम गर्ने बताएका छन । ट्रान्सपोर्ट ब्यवसायलाई राज्य र त्यसका निकायले हेर्ने दृष्टिकोणमा परिर्वतन ल्याउने गरि काम गर्ने उनले बताएका छन ।

ट्रान्सपोर्ट ब्यवसायका कारण आम नेपाली उपभोक्ताले बस्तु उपभोगको वतावरण बनेको तर यो ब्यवसायलाई हेयको दृष्टिले हेरिने भएकोले ब्यवसायीको मनोवल कमजोर रहेको चित्रण गर्दै उनले एशोसिएशनले ब्यवसायलाई सम्मानीत र मर्यादित ब्यवसायको रुपमा स्थापित गर्न ध्यान दिने बताए ।

अधिवेशबाट निर्वािचत अन्य पदाधिकारी उपाध्यक्ष प्रवीण कुमार कर्ण, सचिव मधुसुदन सुवेदी, सह सचिव राजेश पटेल, कोषाध्यक्ष जिवेश मिश्र, सदस्यहरु मुकेश कुमार वरनवाल,रविन्द्र पटेल, धन बहादुर श्रेष्ठ, राजु गुप्ता, रोधन श्रेष्ठ,यज्ञ गुप्ता र पवन कुमार अग्रवालले समेत आफनो पदभार सम्हालेको निर्वतमान अध्यक्ष बालकृष्ण पोख्रेलले जानकारी दिए ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।