दोश्रो निर्मल गोल्डकपमा सुवर्णपुर र ठोरी सुन्दरबस्ती बिजयी

11/4/2020 गते 00 00 मा प्रकाशित 1718 पटक पढिएको

ठोरी गाउँपालिकाको वडा नं ४ निर्मलवस्तीमा जारी दोश्रो निर्मल गोल्डकप अन्तरगत आजका खेलहरुमा सुवर्णपुर र ठोरी सुन्दरबस्ती बिजयी भएका छ्न ।

आजको पहिलो खेल अन्तरगत बनशक्ती युवा क्लब ठोरी र सुवर्णपुर युवा क्लब सुवर्णपुर रहेको भएपनी ठोरीको टीम समयानुसार मैदानमा उपस्थित नभएको कारण नेट गोल मार्फत सुवर्णपुर बिजयी भएको आयोजक निर्मल युवा क्लबले जनाएको छ ।

त्यसैगरी आजै भएको दोश्रो खेल अन्तरगत अमृत युवा क्लब सुन्दरबस्ती ठोरी र महादेबपाटी युवा क्लब जीराभवानी बीच भएको खेलमा निर्धारित ९० मिनेटको समयमा कुनै पनि टीमका तर्फबाट गोल हुन सकेन ।

अन्त्यन्तै रोमान्चक प्रतिस्पर्धा भएको आजको खेलमा पहिलो हाफमा महादेवपाटीका खेलाडीहरुले कलात्मक प्रदर्शन गर्दै खेल प्रस्तुत गरेका थिए । प्रर्दशन राम्रो भएपनी गोल गर्न भने सकेका थिएनन। दोश्रो हाफमा फेरि ठोरीका खेलाडीहरुले राम्रो प्रदर्शन गरेपनी गोल भने हुन सकेको थिएन । आजको खेलमा महादेवपाटी टीमका राज उराव मेन अफ द म्याच घोषित भएका थिए ।

९० मिनेटको खेलको समाप्ति पछि ट्राइ ब्रेकरको माध्यम बाट ठोरी बिजयी भएको छ । ट्राइब्रेकरमा ४ ३ गोल अन्तरले ठोरी सुन्दरबस्ती बिजयी भएको समितिका अध्यक्ष हिरा श्रेष्ठले बताउनु भयो ।

यसैबिच भोलि हुने पहिलो खेल युवा हरियाली क्लब ठोरी र चौतारी युवा क्लब गडुवालाइन बिच हुनेछ भने दोश्रो खेल बुद्धनगर युथ क्लब बुद्धनगर र निर्मल समाज युथ क्लब मिलचोक बिच हुने श्रेष्ठले जानकारी दिनु भयो ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।