बैशाख १ गतेदेखी कलैयाको बसपार्क ब्यवस्थित रुपमा संचालनमा ल्याइने

इसीमाना सम्वाददाता २०८१ चैत ६ गते ०९: ५१ मा प्रकाशित 294 पटक पढिएको

कलैया । कलैया उपमहानगरपालिकाले वडा नं.४ मा रहेको बसपार्क व्यवस्थित तरिकाले संचालन गर्ने भएको छ।

त्यहां रहेको भौतिक संरचना थप व्यवस्थित गर्दै बसपार्कबाटै यात्री चढाउने र ओराल्ने कार्य आगामी बैशाख १ गतेदेखी हुने जनाइएको छ।

नगर प्रमुख बिनोद साहको अध्यक्षतामा बुधवार नगरपालिकाको सभाहलमा बसेको सर्वपक्षिय बैठकले चैत्र मसान्त भित्र बसपार्क संचालनका लागि आवश्यक तयारी पुरा गरि बैशाख १ गतेदेखी बिधिवत रुपमा बसपार्क संचालनमा ल्याउने निर्णय गरेको छ । ।

कलैया उपमहानगरपालिकाका जनप्रतिनिधि, जिल्लाका सुरक्षा नकायका प्रमुखहरु, बस तथा अन्य यातायात व्यवसयी संघ लगायतका प्रतिनिधि सम्मिलित बैठकले बसपार्क भित्र टिकट काउण्टर राख्ने, गाडी ईन्ट्री गर्ने तथा त्यसको रेकर्ड राख्ने र ती सबै कार्यकालागि नगर कार्यपालिकाले बसपार्क संचालन कार्यबिधि बनाउने निर्णय गरेको छ।

सर्वपक्षिय बैठकमा नगर प्रमुख बिनोद साहले नगरभरी छरिएर रहेको ई(रिक्सा तथा अन्य साना सवारीहरुलाई रुट अनुसार संचालन गर्ने र भाडा निर्धारण गर्ने तयारी गरिरहेको बताए। उनले ती सवारीहरुलाई अनिवार्य रुपमा उपमहानगर कार्यालयमा दर्ता हुनुपर्ने व्यवस्था गर्न लागिएको बताए।

बैठकमा बो बाराका प्रमुख जिल्ला अधिकारी बसंत अधिकारी, प्रमुख प्रशासकीय अधिकृत नाथु साह, सशस्त्र प्रहरी, नेपाल प्रहरी, ट्राफिक प्रहरी, बस व्यवसायी, रिक्सा, साना सवारी व्यवसायी लगायतकाको प्रतिनिधि सहभागी रहेका थिए।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।