आदिवासीका प्रथाजनित अभ्यासलाई संस्थागत गर्न स्थानीय सरकारको ध्यान जानू आवश्यक छः मन्त्री लेखी

इसीमाना सम्वाददाता २०८१ फागुन ८ गते ०२: ०५ मा प्रकाशित 168 पटक पढिएको

आदिवासी जनजाति अनुसन्धान बिकाश केन्द्र(सीप्रेड) नेपालको अध्यक्ष डा.पासाङ्ग शेर्पाको अध्यक्षता तथा मधेश प्रदेश सरकारका गृह,सञ्चार तथा कानुन मन्त्री राजकुमार लेखीको प्रमुख अतिथ्यतामा तराईका मुलवासी थारु समुदायको माइन्जन,जेवार प्रथाजनित अभ्यास सम्बन्धित छलफल तथा अन्तरक्रिया कार्यक्रमू सम्पन्न भएको छ।

थारु समुदायले ऐतिहासिक काल खण्ड देखि समाज ब्यबस्थापन र संचालनको लागि अभ्यासमा ल्याएको माइन्जन,जेवार,थान पति जस्ता प्रथाहरु लोप हुँदै गएको अवस्थामा (सीप्रेड) नेपालले त्यस्ता प्रथाजनित अभ्यासहरुलाई पुर्नस्थापित गर्न सप्तरीको सप्तकोसी नगरपालिका तथा उदयपुरको बेलका पालिकाका थारु समुदायमा अध्यन अनुसन्धानको कार्यक्रम संचालन गर्दै आइरहेको छ।

कार्यक्रमका प्रमुख अतिथि गृह,सञ्चार तथा कानुन मन्त्री राजकुमार लेखिले समाजलाई एकताबद्द बनाउन,दिगो बिकाशका कार्यक्रमहरुमा व्यापक जनसहभागिता गराउन र जलवायु परिवर्तन जस्ता बिश्वकै प्रमुख चुनौतीहरुको न्युनिकरण का लागि आदिवासी समुदायले ऐतिहासिक कालखणडदेखी अभ्यासमा ल्याएका माइन्जन,जेवार जस्ता प्रथाहरुलाई संस्थागत गर्न स्थानीय तहले ऐन कानुन निर्माण गर्नु पर्ने कुरामा जोड दिए ।

May be an image of 8 people, people studying, people smiling and table
अध्यक्ष डा.पासाङ्ग शेर्पाले कार्यक्रमको बिषयमा प्रकाश पारी सुरु भएको उक्त कार्यक्रममा सप्तकोसी नगरपालिकाका प्रमुख,उपप्रमुख बेलका नगरपालिकाका उपप्रमुख,विभिन्न वडाका वडा अध्यक्ष,माइन्जन,जेवार प्रथा अनुसन्धान समितिका पदाधिकारी,थारु संस्कृती संघ नेपालका पदाधिकारी लगायत बिज्ञ ब्यक्तिहरुले अन्तरक्रियामा भाग लिनु भएको थियो।