बीरगंज बसपार्क र यातायात कार्यालय नजिकबाट सेवाग्राहीलाई सास्ती दिने बिचौलीया पक्राउ

इसीमाना सम्वाददाता २०८१ मंसिर १३ गते ०४: ४८ मा प्रकाशित 173 पटक पढिएको

बीरगन्ज । बीरगंजको बसपार्क र यातायात कार्याय नजिकबाट सेवाग्राहीलाई दुःख र हैरानी दिने बिचौलीयालाई पक्राउ गरेको छ । त्यसरी पक्राउ पर्नेमा १८ जना रहेका छन ।

बीरगन्ज महानगरपालिका वडा नम्बर १६ बसपार्क क्षेत्रमा यात्रुहरुलाई दुःख दिने तथा यातायात कार्यालय पर्सामा छिटो छरितो काम गराइदिन्छु भन्दै अत्यधिक लाभ लिने हरुको बिषयमा गुनासो आएको आधारमा प्रहरीले उनीहरुलाई पक्राउ गरेको हो।

उनका अनुसार पक्राउ पर्नेहरुमा १५ जना पर्साका, एक भारतीय, एक रौतहट तथा अर्का एक जना गोरखा जिल्लाका रहेका छन् ।

प्रहरीले बिन्दबासीनी गाउँपालिका–१ का संजिव गुप्ता, बीरगन्ज–८ का बिजय साह, वडा नम्बर १० रानीघाटका बजंरगी महतो, राहुल महतो, बिजय साह, फिरोज खानलाई पक्राउ गरेको छ ।

यसैगरी भारत बिहारी मोतिहारी जिल्ला बकतौराका जटाशंकर कुमार, रौतहटको माधवनारायण–१ बस्ने नरेश साह सोनार, गोरखाको गोरखा नगरपालिका–९ बस्ने सुशान्त कुँवरलाई पक्राउ गरेको डिएसपी लम्सालको भनाइ छ ।

यस्तै बीरगन्ज–१० का प्रभु पटेल, वडा नम्बर १५ बस्ने सन्देश सिंह, वडा नम्बर १६ का बिकास पटेल, वडा नम्बर ११ का जयपुजन ठाकुर, मनिष महतो, चन्दन कुमार चौरसिया, सन्तोष महतो, वडा नम्बर १४ का इद मियाँ धोबी र बीरगन्ज–११ का सुरज भगत मालीसमेतलाई पक्राउ गरिएको प्रहरीले जानकारी दिएको छ ।

पक्राउ परेकाहरुमाथि सार्वजनिक शान्ति विरुद्धको कसूरमा थप अनुसनधान कार्य भइरहेको प्रहरीले बतायो ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।