वीरगञ्ज । पर्सा प्रहरीले प्रतिबन्धित लागुऔषधसहित भारत बिहारको मोतिहारी थाना हरपुर–२ बस्ने २६ वर्षका राजकरण साहलाई पक्राउ गरेको छ ।
उनलाई वीरगञ्ज महानगरपालिका वडा नम्बर १५ फुलवारी टोलबाट प्रहरीले पक्राउ गरेको हो ।
बाराको बलिरामपुरबाट वीरगञ्जतर्फ आउँदै गरेको बिआर ०५ एटी ७३२६ नम्बरको प्लाटिना मोटरसाइकल रोकेर प्रहरीले चेकजाँच गरेको थियो ।
सोही क्रममा साहले मोटरसाइकलको दुवैतर्फ तरकारीको बोराभित्र लुकाइछिपाई राखेको अवस्थामा लागुऔषध बरामद गरेको प्रहरी नायब उपरीक्षक डिएसपी कुमार बिक्रम थापाले जनाए ।
उनको साथबाट प्रतिबन्धित लागुऔषध नुरफिन २ सय पिस, डाइजेपाम २ सय पिस र फेनारगन २ सय पिस गरी जम्मा ६ सय पिस फेला पारेको डिएसपी थापाले बताए ।
पक्राउ परेकालाई लागुऔषध सम्बन्धी कसूरमा थप अनुसन्धान कार्य भइरहेको जिल्ला प्रहरी कार्यालयले जनायो ।
तपाईको प्रतिक्रिया