पत्रकार खानलाई बिभिन्न संगठनको सम्मान, मुस्लिम परम्परा अनुसार अन्त्येष्टी

इसीमाना सम्वाददाता २०८० फागुन २४ गते ०७: ३४ मा प्रकाशित 434 पटक पढिएको

वीरगंज । बीरगंजका पत्रकार नेहाल खानको मुस्लिम परम्परा अनुसार आर्दशनगर स्थित कव्रिस्थानमा अन्त्येष्टी गरिएको छ । पत्रकार खानको बुधवार राती निधन भएको थियो । उपचारको क्रममा उनको निधन भएको थियो ।

खानको पार्थिव शरिरमाथि नेपाल पत्रकार महासंघ मधेश प्रदेशका महासचिव एवं प्रेस चौतारी नेपालका केन्द्रिय सदस्य मधेश प्रदेशका सहइन्चार्ज श्याम बन्जारा, पर्साका अध्यक्ष बिजय भण्डारी, सचिव राकेश साह साह,कोषाध्यक्ष संतोष पटेल,सदस्य आरोहण साह, राजन रौनियार,मन्सुर खान,आशिक अंसारीले प्रेस चौतारीको झण्डा ओढाएर सम्मान सहित श्रद्धाञ्जली अर्पण गरेका थिए ।

यसैगरी नेपाल पत्रकार महासंघ पर्साका अध्यक्ष अनुप तिवारी ,कोषाध्यक्ष संजिव मिश्र लगायतको टोलीले पनि खानको पार्थिव शरीरमा महासंघको झण्डा ओढाएर श्रद्धाञ्जली अर्पण गरेका थिए ।

यस्तै नेपाल मुस्लिम पत्रकार समाजका अध्यक्ष मन्सुर खानले समेत आफनो संघको झण्डा ओढाएर श्रद्धाञ्जली अपर्ण गरेका थिए । गत सोमबारदेखि अस्पतालको आइसियुमा भर्ना भएका खानको उपचारकै क्रममा बुधबार राती सवा १० बजेतिर मृत्यु भएको थियो ।

प्रेस चौतारी नेपाल पर्साका सदस्य रहेका खान झण्डै दुई दशक भन्दा बढी समय देखि वीरगन्जमा सक्रिय पत्रकारिता गर्दै आएका थिए ।

५२ बर्षिय खान वीरगन्ज महानगरपालिका वडा नम्बर ३ प्रगतिनगरका स्थायीबासी हुन्।कोभिड महामारीका बेला कोरोनाको चपेटामा परेर सिकिस्त भएका खान अस्पतालबाट डिस्चार्ज भएर घर फर्किएपनि उनको छाती र फोक्सोको
समस्या पूर्णरूपमा निको भएको थिएन।

खानकी पत्नि अजमा खातुनपनि क्यान्सर रोगबाट ग्रसित भई उपचाररत छिन्।भरतपुर क्यान्सर अस्पतालमा उनकोपनि करिब ६ महिनादेखि उपचार चलिरहेको छ।खानका दुई छोरी र दुई छोरा छन।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।