पर्साका प्रमुख जिल्ला अधिकारीलाई कांग्रेसको ज्ञापन

इसीमाना सम्वाददाता २०८० पौष २९ गते ०३: ४९ मा प्रकाशित 254 पटक पढिएको

वीरगञ्ज ।नेपाली कांग्रेस पर्सा क्षेत्र नं २ क्षेत्रीय समितिले बीरगंज महानगरका प्रमुख राजेशमान सिंहलाई कारवाहीको माँग गर्दै पर्साका प्रमुख जिल्ला अधिकारी दिनेश सागर भुसाललाई ज्ञापन पत्र बुझाएको छ।

अरुको छोरीलाई आफ्नो छोरी बनाएर नागरीकता दिलाएको आरोप मेयर राजेश मान सिंहलाई लागेको छ । कांग्रेसले कारवाही प्रक्रियामा प्रश्न उठाउदै प्रमुख जिल्ला अधिकारीलाई ज्ञापन बुझाएको हो ।

नेपाली कांग्रेसका क्षेत्रीय सचिव रंजित पटेलले प्रमुख जिल्ला अधिकारी भुसाललाई बुझाएको ज्ञापनपत्रमा मेयर सिंहलाई बिरुद्ध जाहेरी दर्ता भएपनि कारवाही नभएको भन्दै असन्तोष प्रकट गरिएको छ ।

ज्ञापन पत्रमा नागरिकता ऐनको व्यव्स्था विपरितको कार्य महानगरप्रमुख बाट भएको आरोप लगाउदै पदबाट निलंबन गरि अन्य कारवाहीको अगाडि बढाउन क्षेत्रिय समितिले माँग गरेको छ ।

ज्ञापन पत्र बुझाउन नेपाली कांग्रेसका क्षेत्री सभापति महम्मद शाहबुदिन सहित अन्य पदाधिकारी पनि गएका थिए । यसैवीच फर्जी नागरिकताधारीको पहिचान र कार्यवाहीको लागी अधिकार सम्पन्न छानबिन समिति गठनको माग गर्दै आजै नेपाल विश्व हिन्दु महासंघ तथा राष्ट्रिय बजरंग दल पर्साले प्रमुख जिल्ला अधिकारीलाई ज्ञापन पत्र बुझाएको श्रीनन्दन मिश्रले जानकारी दिएका छन ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।