तपस्वी बम्जन पूर्पक्षकालागि जेल चलान

इसीमाना सम्वाददाता २०८० पौष २६ गते ०६: १७ मा प्रकाशित 339 पटक पढिएको

मंलगवा । तपस्वी राम बहादुर बम्जनलाई सर्लाही जिल्ला अदालतले पुर्पक्षका लागि थुनामा राख्ने आदेश दिएको छ।

सर्लाही जिल्ला न्यायाधीश विष्णुप्रसाद रेग्मीको एकल इजलासले उनलाई पुर्पक्षका लागि थुनामा राख्ने आदेश दिएको हो।बुधबार राति स्थलमार्गबाट सर्लाही ल्याइएका बम्जन बिरुद्ध आफ्नै बाल अनुयायीमाथि यौनशोषण गरेको आरोप छ ।

अदालतले उनलाई पुर्पक्षका लागि थुनामा पठाउने आदेश दिएको हो । प्रहरीको केन्द्रीय अनुसन्धान ब्यूरो (सीआईबी) ले मंगलबार साँझ बम्जनलाई बूढानीलकण्ठको हात्तिगौंडाबाट पक्राउ गरेको थियो ।

३० भदौ २०७५ मा रौटहटकी एक किशोरीले आफूमाथि बम्जनले बलात्कार गरेको दाबी सार्वजनिक गरेकी थिइन् । बम्जन बिरुद्ध २३ माघ ०७६ मा जिल्ला प्रहरी कार्यालय सर्लाहीमा ति पीडित किशोरीले जाहेरी दिएकी थिइन । प्रहरीले अनुसन्धान सम्पन्न गरेर १८ असार ०७७ मा जिल्ला सरकारी वकिलको कार्यालयमा मिसिल दर्ता गरेको थियो।

प्रहरीको केन्द्रीय अनुसन्धान ब्यूरो (सीआईबी) ले मंगलबार साँझ बम्जनलाई बूढानीलकण्ठको हात्तिगौंडाबाट पक्राउ गरेको थियो ।

सलाृही जिल्ला अदालतमा करिब ४ घण्टा चलेको बहसमा बादिको तर्फबाट जिल्ला सरकारी वकिल कार्यलयका प्रमुख कैलाश दहाल र अधिवक्ता अन्नत न्यौपाने तथा प्रतिवादीका तर्फबाट अधिवक्ताहरू डा कुन्साङ लामा, अजय तामाङ, दिलिप कुमार झा, महनिधि सेडाई र अमृत कुमार लामाले बहस गरेका थिए।

बहस पछि आरोपी बम्जनलाई घटनामा संलग्न छैन भन्ने पुष्टि हुन सक्ने आधार नभएकाले पुर्पक्षमा राख्ने न्यायधीश बिष्णु प्रसाद रेग्मीको एकल ईजलासले आदेश दिएका हुन्।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।